УЛС ТӨР

Булганы засаг дарга Б.Ариун-Эрдэнийн “хуучин” албан тушаалыг С.Баярмөнх авна

Булган аймгийн Засаг даргаар томилогдсон Б.Ариун-Эрдэнэ өнгөрөгч наймдугаар сард “Монголросцветмет” ТӨҮГ-ын “Шижир Алт” ХХК-ийн захирлын албан тушаалыг хашиж эхлээд байсан юм. Б.Ариун-Эрдэнэ нь Ерөнхийлөгч Х.Баттулгыг сүүлийн хэдэн жилийн турш “дагасан” залуусын нэг бөгөөд жүдо бөхийн улсын шигшээ багийн тамирчин юм. Булган аймагт АН ялсны дараа Ерөнхий сайд У.Хүрэлсүх Б.Ариун-Эрдэнийг Засаг даргаар батламжилсан билээ.

Ингэснээр түүний хоёр сар орчим удирдсан “Монголросцветмет” ТӨҮГ-ын “Шижир Алт” ХХК-ийн захирлын албан тушаал эзгүй байсан юм. Тэгвэл уг албан тушаалд УИХ-ын дарга Г.Занданшатарын  зөвлөх асан С.Баярмөнх томилогдохоор АТГ руу бичгээ хүргүүлжээ.

С.Баярмөнхийн хувьд саяхан МҮОНРТ-ийн Ерөнхий захиралд өрсөлдсөн. Тэрбээр УИХ-ын дарга Г.Занданшатар түүнийг уг албан тушаалд дэмжихээ илэрхийлсэн ч Н.Дэмбэрэлийг томилох тохироог далд хийсэн гэх яриа хөшигний ард хөвсөрсөн юм. Тиймээс С.Баярмөнхөд “өр дарах” маягаар “Шижир Алт” ХХК-ийн захирлын албан тушаалыг өгч буй  гэх логик харагдаж байна.

“Монголросцветмет” ТӨҮГ-ын “Шижир Алт” ХХК-ийн тухайд анх 1993 онд “Алт” хөтөлбөрийн хэрэгжилтийн хүрээнд Заамарын алтны үйлдвэрийг түшиглэн байгуулсан. 1995 онд хүчин чадлыг нь харгалзан “Монгоросцветмет” нэгдэл, ОХУ-ын “Зарубежцветмет” нэгдэл, “Эрдэнэт” концерн хамтарч “Шижир Алт” ХХК-ийг шинэчлэн байгуулсан. 2012 онд Урт нэртэй хууль батлагдсаны дараа үйл ажиллагааг нь зогсоосон. Сүүлд 2017 онд “Алт-2” хөтөлбөрийг хэрэгжүүлэх хүрээнд сэргээн байгуулсан байдаг.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

3 Сэтгэгдэл

  1. З####ьтай нь хождог нийгэм юм. Эхлээд ямар нэг аргаар мөнгөтэй болно. Тэгээд танил т#### нөхдүүд хэлхэлддэг юм байна. Шудрага ёс бол дараагийн асууд####. Гэнтхэн хүмүүс мөнгөтэй болчихно. Өдөр бүр хөдөлмөрлөж байгаа нь амиа л авч явдаг юм байна.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button