Нийгмийн
Газрын дуудлага худалдаанд гурван ялагч тодорч, 776.5 сая төгрөг төвлөрүүллээ
Улаанбаатар хотод газрын цахим дуудлага худалдааг 2022 оны зургаадугаар сарын 8-нд 18 байршилд зохион байгуулж, долоон байршилд 20 иргэн, хуулийн этгээдээс оролцох хүсэлт ирүүлсэн бөгөөд дараах гурван байршилд ялагч тодорчээ.
Тодруулбал, мод үржүүлгийн газрын зориулалтаар, СХД-ийн дүүргийн 21 дүгээр хороо, Халзангийн ам орчим, 1 га газар, үйлдвэрлэлийн барилга, байгууламж бусад газрын зориулалтаар ХУД-ийн 21 дүгээр хороо, Төв аймаг явах замын баруун талд, 1.5 га газар, худалдаа, нийтийн үйлчилгээний газар, төв, цогцолборын зориулалтаар Багахангай дүүргийн 2 дугаар хороо, улсын чанартай авто замын баруун талд Бор үзүүрийн гэр хорооллын зүүн урд талд, 0.1 га газар худалдагдаж, нийслэлийн төсөвт 776.5 сая төгрөг төвлөрүүлэхээр болжээ.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.