ОХУ гурав дахь хүүхдэд сая рубль өгөх талаар ярьж эхэллээ
Хойд хөршийн Төрийн Думын Олон нийтийн танхимаас гурав дахь хүүхдээ төрүүлсэн эхэд сая рублийн нэг удаагийн тэтгэмж өгөх санал гаргажээ.
Саналдаа Гурав дахь хүүхдээ төрүүлсэн 30-аас дээш настай эхэд олгох сар бүрийн мөнгөн тэтгэмжийн хэмжээг цалингийн доод хэмжээнд хүргэх санааг мөн тусгаж, Төрийн зөвлөлөөс байгуулсан Ажлын хэсэг рүү илгээсэн байна. “Известия” сонинд энэ талаар мэдээлэв.
Дээрх зохицуулалтыг хийснээр 2024 он гэхэд жилд төрөх хүүхдийн хэмжээ 1.6 сая болж нэмэгдэх боломжтой гэсэн судалгааг Шинжлэх ухаан, олон нийтийн судалгааны хүрээлэнгээс гаргасан байна. Хүрээлэнгийн захирал Сергей Рыбальченкогийн хэлснээр, дээрх санаачилга ажил хэрэг болсон ч улсаас олон хүүхэдтэй эхчүүдэд олгодог зардал 300 тэрбум рублиэс хэтрэхгүй гэнэ.
Үүнээс өмнө Төрийн Думын Хөдөлмөр, нийгмийн бодлого, ахмад дайчдын асуудал эрхэлсэн хорооны гишүүн Светлана Бессараб олон хүүхэдтэй гэр бүлүүд хүүхдээ сургуульд бэлтгэх зардалдаа орон нутгийн захиргаанаасаа тусламж авч болно гэж ярьж байжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Юун гоёийн????
хүн төрүүлнэ гэдэг тэжээх төдий зүйл биш ш дээ
ХӨӨРХӨН ЮМ БЭ
Маньд падгүй
Хүрэлсүхийн даган дууриах юм энэ байна.
Төрөлт багасаж дуусахгүй бол дайн дажин хийсээр байх нөхөд юм
хар аяндаа сөнөнө дөө