“Машинаа сүйтгүүлсэн иргэд холбогдох газруудад нь гомдол гаргасан”

Өнгөрсөн амралтын өдрүүдэд болсон хүчтэй салхины үеэр Нийслэлийн гуравдугаар эмнэлгийн зүүн талд байрлах орон сууцны гадна фасад унаж оршин суугчдын машин дээрээс унасан нь олны бухимдлыг төрүүлээд буй.

Уг барилгын урд тавьсан байсан машин тоосго, шаварт цохигдсон байна. Энэ талаар Онцгой байдлын байгууллагаас тодруулахад "Дуудлага мэдээлэл ирээгүй" гэлээ.

Харин машины эзний хэлж буйгаар нурсан “Энэ барилгын өмнөх замаар явган хүмүүс их явдаг. Тухайн үед азаар хүн явж таараагүй. Сүүлийн үеийн барилгууд чанаргүй, маш муу материалаар баригддаг гэдгийг байгалийн гамшиг үзэгдлийн шалтгалтаар тов тодорхой харуулж байна. Одоо тэгээд байрны дор машинаа тавьсан иргэдийн буруу юу эсвэл, чанаргүй материалаар байраа барьсан компанийн буруу болох уу, ямартай ч машинаа сүйтгүүлсэн бидний хувьд холбогдох газруудад нь гомдол гаргасан. Хариу одоогоор ирээгүй л байна. Ер нь салхи шуурга бороо цаснаас болж барилга байгууламжийн чанар ямар байгааг харуулдаг. Чанар муутай баригдсан барилгыг хүлээж авдаг УОК бас буруутай байх болов уу. Ихэвчлэн барилгаа хүлээлгэж өгөхийн тулд хахууль өгдөг гэсэн ойлголт олон нийтийн дунд байдаг юм билээ“ гэсэн юм.

Барилгын тухайн хуулинд ашиглалтын явцад барилга байгууламжид эвдрэл, гэмтэл учрах, нурах тохиолдолд гүйцэтгэгч, зураг төсөл зохиогч, өмчлөгч, эзэмшигч, материал үйлдвэрлэгч, ханган нийлүүлэгч, зөвлөх үйлчилгээ үзүүлэгчийн аль буруутай тал нь хариуцлага хүлээнэ гэж заасан байдаг.

Энэ мэдээнд өгөх таны үнэлгээ

Хуваалцаарай Жиргээрэй