Монголд ирсэн "Т-Ара"-ийн Хё Мин тэргүүтэй алдартнууд өчигдөр эх орон руугаа буцжээ

Монголын аялал жуулчлалыг хөгжүүлэх зорилгоор дэлхийн улс орнуудаас олон алдартай дуучин, жүжигчин, инфлюнсерүүд Монголыг зорин ирсээр буй.

Тэгвэл энэ удаад БНСУ-ын T-Ара хамтлагийн дуучин Хё Мин, Солонгосын мисс Шин А Ра, инфлүүсер Жин Ий Ёон нар энэ сарын 19 -нд Улаанбаатар хотноо ирээд гоо сайхны брэндийн V.I.P үйл ажиллагаанд оролцоод өчигдөр /2024.06.19/ эх орон руугаа буцжээ.

Тэдний хувьд хамтран ажилладаг “MAKE9” гоо сайхны брэндийнхээ V.I.P үйл ажиллагаанд оролцохоор ирсэн бөгөөд өнгөрсөн орой тус арга хэмжээнд оролцоод эх орон руугаа буцсан байна.

Манай улсад ирсэн Хё Мин хамтлагийнхаа уран бүтээлээс гадна “Миний найз охин есөн сүүлт үнэг”, “Гибек”, “1000 дахь хүн”, “Гисаен Рюнг” зэрэг телевизийн олон ангит кинонд дүрээ мөнхөлсөн бөгөөд одоогоор том брэндүүдийн нүүр царайгаар ажиллахын зэрэгцээ хамтлагийнхаа 15 жилийн ойд бэлдэж байгаа аж.

Харин мисс Шин А Ра нь 2016 онд Солонгосын миссээр тодорж улсаа төлөөлөн Дэлхийн мисс тэмцээд оролцож байсан бол  инфлүүсер Жин Ий Ёон нь инстаграмдаа 681 мянган дагагчтай нөлөө бүхий хүмүүс байжээ.

Энэ мэдээнд өгөх таны үнэлгээ

Хуваалцаарай Жиргээрэй