НийгмийнСПОРТ

Өсвөрийн шатарчид ААШТ-ээс хоёр мөнгө, нэг хүрэл медаль хүртлээ

Казахстаны Алматы хотод энэ сарын 9-19-нд болсон 2024 оны өсвөрийн шатарчдын Азийн аварга шалгаруулах тэмцээнээс манай тамирчид гурван медаль хүртлээ.

Тус тэмцээнд 33 орны 650 гаруй тамирчин эрэгтэй, эмэгтэй тус бүр зургаан насны ангилалд оюун ухаанаа уралдуулан аваргууд тодорчээ. Тэмцээний хөвгүүдийн 10 насны ангилалд Ц.Ананд хүрэл медаль, 14 насны ангилалд Г.Тэнгүүндалай мөнгөн медаль хүртсэн байна.

Харин охидын 16 насны ангилалд ФИДЕ мастер Э.Хүслэн мөнгөн медалийн эзэн болжээ. Тэрбээр есөн өргөөс долоон оноо авсан байна. Түүний хувьд тэмцээний эхэнд түргэвчилсэн буюу рапид төрөлд мөн мөнгөн медаль хүртсэн юм. Ингэснээр Э.Хүслэн Азийн аварга шалгаруулах тэмцээнээс хоёр төрөлд медалийн тавцанд зогслоо.

26 дахь удаагийн энэхүү тэмцээнд 650 гаруй өсвөрийн шатарчин оролцсон нь Азийн түүхэнд хамгийн олон оролцогч өрсөлдсөн тохиолдол болж байгаа аж. Харин манай улсаас 27 шатарчин оюун ухаанаа уралдуулсан юм. 

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments
Back to top button