АНУ-ын ерөнхийлөгчийн сонгуульд ялалт байгуулсан Доналд Трамп сонгуулийн кампанит ажлынхаа үеэр хууль бус цагаачдыг улсаасаа гаргана гэж амласан. Тэгвэл тэрбээр энэхүү амлалтаа биелүүлэхийн тулд үндэсний хэмжээнд онц байдал зарлан зэвсэг хүчин ашиглахад бэлэн гэж мэдэгджээ. Трамп даваа гарагт /2024.11.18/ өөрийн үүсгэн байгуулсан Truth Social платформ дээрээ нийтлэл бичихдээ үүнийгээ илэрхийлсэн юм.
Одоогийн байдлаар 11-13 сая орчим хүн АНУ-д бичиг баримтгүй, хууль бусаар оршин суудаг. Цагаачлал болон хүний эрхийн төлөөх байгууллагууд олон тооны хүнийг улсаасаа гаргах нь хүмүүнлэгийн хямрал үүсгэж магадгүй гэж анхааруулж буй. Трамп АНУ-ын хилийн асуудал эрхэлсэн даргаар Цагаачлал, гаалийн хяналтын газрын (ICE) дарга асан Том Хоманыг томилно хэмээсэн. Хоман эхлээд гэмт хэрэг үйлдсэн хууль бус цагаачдыг АНУ-аас гаргана гэх саналыг дэвшүүлжээ.
Сонгуулийн кампанит ажлынхаа үеэр Трамп 1798 онд батлагдаж байсан “Харь орны дайснуудын тухай хууль”-ийг ашиглана гэж ярьсан. Тэрхүү хууль нь аливаа ерөнхийлөгчид дайсны улсын иргэдийг ямар нэгэн процессгүйгээр албадан гаргах эрхийг олгодог. Гэхдээ хууль зүйн мэргэжилтнүүд Трампт тус хуулийг олон сая хүнийг албадан гаргахад ашиглах эрх мэдэл бахгүй гэж үзэж буй.
Эх сурвалж: Al Jazeera
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
baahan mongluud bucaj ireh ni dee
Баахан оо май гаад гэсэн нөхдүүд
Баасан ахын төрсөн өдрөөр шуугилдаад л