“Эрүүгийн хуулийн 13.14 заалт нь Үндсэн хууль зөрчсөн” гэж үзсэн ҮХЦ-ийн дүгнэлтийг УИХ хүлээж авлаа
Өнөөдөр /2025.12.30/ Монгол Улсын Үндсэн хуулийн цэцийн 2025 оны 10 дугаар дүгнэлт /Эрүүгийн хуулийн 13.14 дүгээр зүйл Монгол Улсын Үндсэн хуулийг зөрчсөн эсэх маргааныг хянан шийдвэрлэсэн тухай/ асуудлыг Хууль зүйн байнгын хороо, болон УИХ-ын чуулганы нэгдсэн хуралдаанаар хэлэлцлээ.
Тодруулбал, Эрүүгийн хуулиар сэтгүүлчдийг ялладаг эл заалт нь Үндсэн хууль зөрчсөн. Мөн дан ганц сэтгүүлчдийн ч гэлтгүй иргэний үг хэлэх эрхийг зөрчсөн гэдгийг Үндсэн хуулийн цэц тогтоосон билээ.
ХЗБХ-ны хуралдаанд найман гишүүн оролцож, “Эрүүгийн хуулийн 13.14 заалт нь Үндсэн хууль зөрчсөн” гэж үзсэн ҮХЦ-ийн дүгнэлтийг хүлээж авалгүй, УНАГААСАН. Үргэлжлүүлэн УИХ-ын чуулганы нэгдсэн хуралдаанд оролцсон гишүүдийн олонх ҮХЦ-ийн дүгнэлтийг хүлээн авлаа. Ингэснээр УИХ ажлын хэсэг байгуулан Үндсэн хуульд нийцүүлэн Эрүүгийн хуулийн 13.14 дэхь заалтад нэмэлт, өөрчлөлт оруулахаар болж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.