Кино урлагийн салбарт дэлхийд тэргүүлэгч “Warner Bros”., HBO, “Discovery”, “Netflix” зэрэг томхон компанийн төлөөллүүд ирэх сард Монголд ирж, кино зураг авч болмоор өвөрмөц газруудыг шинжихээр болжээ.
Дээрх компаниуд Соёлын яам, Монголын Кино урлагийн зөвлөлөөс ирэх сарын 14-19-нд зохион байгуулах “Fam Tour” хөтөлбөрийн хүрээнд манай улсад хөл тавих юм байна. Маш олон компанийг урьснаас “Warner Bros”., HBO, “Discovery”, “Viacom”, “Netflix” нааштай хариу өгчээ.
Ирэх зочид нь тухайн компанидаа менежер, удирдах түвшний албан тушаалтнууд байх аж. Хөтөлбөрийн хүрээнд ирэх бусад студи, кино компаниудын нэрс ирэх долоо хоногоос тодорхой болох юм байна.
МОНГОЛД ИРЭХ ЗОЧИД
Warner Bros: Тэргүүн дэд ерөнхийлөгч Жей Розенвинк
Discovery: тэргүүн дэд ерөнхийлөгч, контент хариуцсан дэд ерөнхийлөгч Кэрри Риган
HBO: HBO/HBO Max, Warner Bros. Discovery сувгийн уран бүтээл хариуцсан захирал Крутин Патель
Viacom: Paramount Media Networks, MTV Entertainment Studios-ын уран бүтээл хариуцсан дэд ерөнхийлөгч Карлос Луго
Netflix: Netflix Korea уран бүтээл хариуцсан менежер Сонгли Ли
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.