Нийслэлийн Ерөнхий архитектороор ахлуулсан албаныхан авто зогсоолын хүртээмжийг нэмэхээр Баянгол дүүргийн 10 дугаар хороолол орчимд авто машины “on street” зогсоолыг зам дагуу хийхээр зураг төсөл гаргажээ.
Тус хорооллын замын урд хэсэг нь том талбайтай ч авто машинуудыг эмх цэгцгүй байрлуулдаг тул төлөвлөсөн зургийг бага зэргийн өөрчилж, явган хүний болон дугуйн зам, ногоон байгууламжийг нэмж төлөвлөснөөр “иж бүрэн гудамж” болгон тохижуулах юм.
Баянгол дүүргийн Засаг дарга Ө.Сумъяабаатар “Аравдугаар хороолол орчим нь 5 хороог хамардаг, 40-50 мянга гаруй оршин суугчтай тул 1-2 км орчим ил буюу зам дагуу зогсоол хэрэгтэй. Тухайн хэсэгт дулааны шугам, худаг байрладаг учир бүхэлд нь асфальтаар хучилгүй зарим хэсэгт тасалж, ногоон байгууламж болгон тохижуулна” гэжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.