Европын сэргээн босголт хөгжлийн банк “Макс Импекс”, “Хан Алтай Ресурс” компанид хориг тавьжээ
Европын сэргээн босголт хөгжлийн банк (EBRD)-аас Макс Группийн хоёр охин компани болох "Макс Импекс" ХХК (Max Impex) болон "Хан Алтай Ресурс" ХХК (Khan Altai), мөн тэдгээрийн хамаарал бүхий 22 компанийг 4.5 жилийн хугацаагаар хориг тавьснаа пүрэв гарагт /2025.11.27/ зарлажээ.
“EBRD”-ын санхүүжилттэй төсөлд авлигын зөрчил гаргасан учир хориг тавьсан байна. Тус төсөл нь Монгол Улсын баруун өмнөд хэсэгт уул уурхайн тоног төхөөрөмж худалдан авахад зориулж “EBRD”-аас "Хан Алтай Ресурс" компанид олгох үндсэн зээлийн санхүүжилттэй холбоотой юм.
“ЕBRD”-ын Ерөнхий нийцлийн албанаас (OCCO) явуулсан шалгалтаар "Макс Импекс" болон "Хан Алтай Ресурс" компаниуд нь уг төсөл болон “EBRD”-аас цаашид авах боломжтой санхүүжилттэй холбогдох шийдвэр гаргалтад нөлөөлөх зорилгоор банкны ажилтнуудад зүй бус төлбөр өгсөн болохыг тогтоожээ.
Энэхүү хориг арга хэмжээ нь "Макс Импекс", "Хан Алтай Ресурс" компаниуд хариуцлагаа хүлээн зөвшөөрч байгуулсан тохиролцооны гэрээний нэг хэсэг аж.
Уг хоригийн дүнд "Макс Импекс", "Хан Алтай Ресурс" болон тэдгээрийн хамаарал бүхий 22 компани ирэх 4.5 жилийн хугацаанд “EBRD”-ын санхүүжилттэй төсөл, үйл ажиллагаанд оролцох эрхгүй болж буй.
Макс Группийн компаниуд мөрдөн шалгах ажиллагааны явцад хамтран ажиллаж, буруутай үйлдлээ хүлээн зөвшөөрчээ.
Мөн “Макс Групп”-ийн нэгжүүд нь өөрсдийн нийцлийн хөтөлбөрийг сайжруулах, бие даасан зөвлөхөөр дамжуулан тайлагнах, мөн бүх үйл ажиллагаандаа эрсдэлийг бууруулах зорилгоор нийцлийн аудитууд хийхээр амлалт өгчээ. Хэрэв эдгээр компаниуд үүргээ биелүүлэхгүй бол хоригийн хугацааг дөрвөн жилээр нэмэх аж.
Эх сурвалж: EBRD
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хөөх!!! Энэ юу болов оо? Энэ муу мэдээ байна шүү. Европын Сэргээн Босголт, Хөгжлийн Банк хувийн секторын чухал санхүүжүүлэгч сайн ажиллаж байгаа банк. Макс Групп манай том компаниудын нэг. Зөрчлөө хурдан арилгаж хоригоос гарах хэрэгтэй.