Сайжруулсан түлш худалдан авах эрхийн “Сайн” картыг дүүргүүдийн агаарын бохирдол хариуцсан мэргэжилтнээр дамжуулан олгодог болжээ. Ингэснээр сайжруулсан шахмал түлш худалдан авах картаа хаясан гээсэн болон шинээр авах бүх картыг дүүргийн мэргэжилтэн олгох гэнэ. Хэрвээ та “Сайн” картаа гээж, үрэгдүүлсэн бол дараах зааврыг хүргэе. Үүнд:
- Хэрэглэгч та картаа үрэгдүүлсэн, гээгдүүлсэн тохиолдолд хэрэглэгчийн төв /70119400/-д хандаж картаа хаалгаарай.
- Чингис хаан банкны 3401004344 тоот дансанд шинэ картын төлбөр болох 3000 /гурван мянган төгрөг/ тушаана. Хүлээн авагчийн нэр: Таван толгойн түлш. Шилжүүлгийн утга: Овог, нэр, регистрийн дугаар бичнэ/
- Таван толгой түлш ХХК-ийн төв оффис /Монгол улс, Уланбаатар хот, Чингэлтэй дүүрэг, 1-р хороо, Жигжиджавын гудамж 8, "Эрдэнэс Таван толгой" ХК-ийн Байр 121 тоотод байрлах "Мэдээллийн төв”-ийн ажилтанд мөнгө тушаасан банкны баримтыг үзүүлж шинэ картаа авах захиалга хийнэ.
- Шинэ картыг захиалсан өдрөөс гурав хоногийн дараа даваа, лхагва, баасан гарагт "Таван толгой түлш” компанийн төв оффисоос авна.
Хэрэглэгчид сайжруулсан шахмал түлшийг худалдан авахдаа “Сайн” нэртэй смарт карт ашиглана. Нэг карт нь гурван тонн түлш худалдан авах эрхтэй байх бөгөөд иргэд түлш худалдан авахдаа картаа гэрээт борлуулагчийн аппликэшнд уншуулж, үндсэн эрхээсээ хасуулан тооцно. Энэ мэтээр хэрэглэх хэмжээ нь дууссан тохиолдолд “Таван толгой түлш” компанид хандан эрхээ сэргээлгэх боломжтой.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.