Д.Сумъяабазар: Нийтийн тээвэр 06.00-09.00, 17.00-21.00 цагийн хооронд үйлчилнэ
УОК-ын мэдээллийн үеэр Хотын дарга Д.Сумъяабазар мэдээлэл хийлээ.
Тэрбээр “Иргэд маскаа зүүгээд, гараа угаагаад маш тайван байх хэрэгтэй. Иргэд хэт их тайвширсан байсан учраас маскаа зүүж, гараа угааж аяныг дахин эхлүүлэх шийдвэр гаргаж байсан. Хүнсний зохиомол үнэ ханш үүсгэж, сандарч тэвдэх хэрэггүй. Хүнсний бүх төрлийн нөөц хангалттай байгаа учраас иргэд ухамсартай хандах хэрэгтэй байна. Яарч, сандарч, тэвдсэнээр асуудал шийдэгдэхгүй. Нийслэлийн Онцгой комисс болон бусад холбогдох байгууллага бүгд бэлэн байдлын зэрэг шилжиж, ажлаа хийж эхэлсэн. Иргэн хүний хариуцлагатай байдал, үүргээ ухамсарлах нь их чухал. Нийслэлийн онцгой комисс шөнө хуралдаж, Засаг даргын захирамж гарсан. Захирамжид, олон нийтийг хамарсан, үйлчилгээний газруудыг гурав хоногийн хугацаанд хаах шийдвэр гарсан. Согтууруулах ундаа худалдаж байгаа, үйлчилгээ эрхлэгч аж ахуй нэгжүүд хэвийн явах нь 07.00.22.00 цаг хүртэл ажиллаж, тодорхой цагаар ажиллахгүй, иргэдэд үйлчлэхгүй байна. Нийтийн тээвэр 06.00-09.00, 17.00-21.00 цагийн хооронд иргэдэд үйлчлэхээр захирамжид тусгасан.
