Бүгд найрамдах улсаа тунхаглаж, Анхдугаар үндсэн хуулиа баталсны 97 жилийн ойд зориулсан үндэсний бөхийн барилдаан өнөөдөр Бөхийн өргөөнд болов. Эл барилдаанд улсын аварга П.Бүрэнтөгс, улсын гарьд Ө.Бат-Орших тэргүүтэй 128 бөх барилдсанаас Сэлэнгэ аймгийн Орхонтуул сумын харьяат бөх, улсын харцага Б.Орхонбаяр түрүүллээ.
Ховд аймгийн Зэрэг сумын харьяат, улсын харцага Б.Бат-Өлзий үзүүрлэн, улсын харцага О.Хангай, Н.Золбоо нар шалгарав.
Хэдхэн хоногийн өмнө шинээр улсын харцага болсон Б.Орхонбаяр улс, аймгийн цолтой бөхчүүдийн барилдаанд хоёр дахиа түрүүлж байгаа нь энэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.