"BOOM": Хөөрхөн Ганбаа

“Eguur.mn” сайт энэ удаагийн “BOOM” буландаа жүжигчин, СТА Ц.Ганбаярыг онцоллоо.

-Монголын хошин урлагийн акулуудын нэг Цэрэнбалжирын Ганбаяр.

-1985 оны тавдугаар сарын 06-нд төрсөн.

-2002 онд Нийслэлийн 13 дугаар дунд сургуулийг төгссөн.

-Эхээс хоёулаа. Айлын бага.

-Өвөөгөө дагаж морь унаад, Яармагийн дэнж дээр наадам үзээд өнждөг. Их даруухан, хэр баргийн хүнтэй дуугардаггүй ичимхий хүүхэд байжээ.

-Аав ээж хоёр нь барилгын инженер мэргэжилтэй. Өөрсдийнхөө мэргэжлийг өвлүүлнэ гэж ярьдаг байжээ. Харин тэрбээр өөрийн хүсэл сонирхолдоо хөтлөгдөн урлагийн хүний амьдралыг сонгож, СУИС-ийг 2002-2006 онд дүүргэсэн байна.

-Урлагийн гавьяат зүтгэлтэн Найдангийн Ганхуягийн шавь.

-Оюутан ахуй цагаасаа “Шинэ үе” продакшнд орсон.

Учир нь жүжигчин Бооёо жил бүр хамтлагтаа багшийнхаа шавь нараас нэг хүнийг сонгож авдаг байжээ. Тэр ч утгаараа өөрийн авьяас чадвараараа үеийнхнээ цойлж, “Шинэ үе”-д сонгогдож орсон байна.

-“Үнсүүлээгүй үлдсэн охид” шоу тоглолтод анхны дүрээ авч ажилласан.

-Тэрбээр энэ тухайгаа “Анх Үйлдвэрчний эвлэлийн соёлын төв ордонд 800 гаруй үзэгчийн өмнө тайзнаа гараад юу хийж, хаана гишгэснээ ч санадаггүй юм. Тэр үед тайзан дээр гарсан чинь өмнөөс хурц гэрэл тусаад тэр олон үзэгчдийг хараад сандарч хамаг хөлс гарч, чичрээд л бөөн юм болж байсан” хэмээн хуваалцаж байжээ.

-Өдгөө тэрбээр "Мөрөөдлийн театр"-аар овоглож яваа.

-Хүү, охинтой.

-Түүнийг ихэвчлэн эмэгтэй дүрд тоглодог гэж хүмүүс эндүүрдэг.

Гэвч тэр ганц театрын тайзнаа гэрэлтээгүй. "Single Ladies", "Толбо", "In da house", "Фракц" тэргүүтэй тайзны олон уран бүтээлд гол болон туслах дүр бүтээсэн.

-Түүхэн кинонд тоглохыг мөрөөддөг.

-Тэрбээр өдгөө элэгний хорт хавдартай тэмцэж байгаа юм.

-Монголын хошин урлаг, кино урлагын хамтлагууд гараа өргөн нэгдэж, хандивын тоглолт зохион байгуулсан билээ.

-Өөрийгөө нотлон харуулах олон сайхан дүр түүнийг хүлээж буй. Тиймээс эрүүл саруул болж, шинэхэн уран бүтээлээрээ монголын ард түмэндээ бэлэг барихыг ерөөе.

ВИДЕО:

Энэ мэдээнд өгөх таны үнэлгээ

Хуваалцаарай Жиргээрэй