Эрх баригч намын даргын сонгуульд Риши Сунакийг 57 хувийн саналаар ялж, Британийн Ерөнхий сайдаар өчигдөр тодорсон Лиз Трасс томилогдохоосоо өмнө л эрчим хүчний хямралын эсрэг арга хэмжээний төлөвлөгөө боловсруулж байсан билээ.
Холбогдох яам, агентлагууд ч боломжит хувилбарыг урьдчилан бэлтгэж, шинэ Ерөнхий сайдад өөрийн төлөвлөгөөтэйгөө хамгийн уялдсаныг нь сонгох л ажил үлдсэн гэж хэвлэлээр мэдээлж байсан.
Тэгвэл Лиз Трасс өчигдөр томилогдсон даруйдаа дээрх ажилдаа ханцуй шамлан оржээ. Тэрбээр сонгуулийн кампанийн үеэр иргэдийн амьжиргааны өртгийг бууруулахын тулд татварыг багасгаж, Засгийн газраас дэмжлэг үзүүлнэ, дэмжлэг нь бэлэн мөнгө юм уу, эрчим хүчний үнийн дүнгээс хөнгөлөх байх болно гэж мэдэгдэж байсан. Маргааш энэхүү амлалтуудаа хэрэгжүүлсэн төлөвлөгөөг танилцуулах байх гэсэн хүлээлт британичуудад үүсээд байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.