“Белград 2022”: Өнөөдөр ДАШТ-д хүч үзэх монгол бөхчүүдийн оноолт

Сербийн Белград хотноо болж буй бөхийн төрлүүдийн энэ оны Дэлхийн аварга шалгаруулах тэмцээний чөлөөт бөхийн тэмцээн өнөөдөр эмэгтэйчүүдийн 55, 62 кг-ын жингийн барилдаанаар эхэлсэн, манай бөхчүүд хэрхэн барилдсан талаар бид тухайн цаг үед нь мэдээлсэн билээ.

Тэмцээн өнөөдөр эмэгтэйчүүдийн 50, 53, 65, 76 кг-ын жингийн урьдчилсан барилдаанаар үргэлжилнэ. Дээрх жингүүдэд барилдах Монгол Улсын шигшээ багийн бөхчүүдийн оноолтыг eguur.mn уншигчдадаа хүргэж байна. Өчигдөр эхэлсэн 55, 62 кг-ын жингийн медальтнууд мөн өнөө орой тодрох юм.

ӨНӨӨДӨР ДЭВЖЭЭНД ӨРСӨЛДӨХ МАНАЙ БӨХЧҮҮДИЙН ОНООЛТ

50 кг: ОУХМ Долгоржавын Отгонжаргал эхний тойрогт гоц мөргөжээ. Тэрбээр Мексикийн Рита Чавез, Узбекистаны Жасмина Иммаева нарын ялсантай 1/8 шигшээд барилдана. Энд ялбал Румыны Эмилиа Вуч, Унгарын Шимонетта Шекер, Энэтхэгийн Нилам Нилам нарын аль нэгэнтэй шөвгийн дөрөвт үлдэхийн төлөө барилдах нь.

53 кг: Залуу тамирчин Батхуягийн Хулан тэгшитгэлд 2019 оны ДАШТ-ий хүрэл медальт, Жакарта 2018 Азийн наадмын аварга Энэтхэгийн бөх Винеш Погаттай таарсан. Түүнийг ялбал Казахстаны Жулдыз Эшимоватай барилдана.

65 кг: Манай Өлзийсайханы Пүрэвсүрэн эхний тойрогтоо “Будапешт 2018” ДАШТ-ий хүрэл медальт, Пан Америкийн наадмын аварга Меллори Велтетэй учраа таарсан. Түүнийг ялбал Японы бөх Мива Морикатай барилдана.

76 кг: Ганбаатарын Ариунжаргал эхний тойрогт Италийн Энрика Ринальдитай учраа таарсан. Түүнийг ялбал ДАШТ-ий хошой хүрэл медальт, Европын аварга Эстонын Эпп Маэ хүлээж буй.

Өөрийн сэтгэгдлээ илэрхийл

Share Tweet