“Европын холбооны улсууд ОХУ-аас жилд худалдаж авдаг байсан байгалийн хийн 10 хувийг манай улс нийлүүлэх боломжтой” гэж Израилийн Ерөнхий сайд Яир Лапид мэдэгджээ. Тэрбээр өчигдөр Германы Канцлер Олаф Шольцтой Берлин хотноо уулзсан юм.
О.Шольц Яир Лапидын саналын хариуд Герман улс эрчим хүчний шинэ эх үүсвэрээс шугам татахад чармайлт гаргана хэмээн амалжээ. Израиль улс Газар дундын тэнгист орших "Левиафан" хэмээх байгалийн хийн аварга ордоо эргэлтэд оруулахаар идэвхитэй ажиллаж байгаа юм.
Европын холбоонд нийлүүлэх байгалийн хийн хэмжээгээ нэмэгдүүлэх сонирхлоо Израилаас гадна Азербайжан улс мөн илэрхийлсэн. Тус улс энэ жил Европын холбоонд 12 тэрбум шоо метр байгалийн хий нийлүүлэх нь өнгөрсөн жилийнхээс 30 хувиар илүү хэмжээ. Гэсэн ч илүү Азербайжан, Гүрж, Турк, Грекийг дамнасан хийн шугамаа илүү өргөжүүлж, жилд 20 тэрбум шоо метрийг дамжуулах сонирхолтой байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ТУН САЙН АЗЕРБАЙЖАН БОЛ БАЙГАЛЫН ХИЙГЭЭР ОРОСООС ДУТАХГҮЙ ШҮҮ