Тэмцээн өнөөдөр эмэгтэйчүүдийн 50, 53, 65, 76 кг-ын жингийн урьдчилсан барилдаанаар үргэлжилж байна. Дээрх жингүүдэд манай бөхчүүд хэрхэн барилдаж байгаа талаар мэдээлэл хүргэе. Өчигдөр эхэлсэн 55, 62 кг-ын жингийн медальтнууд мөн өнөө орой тодрох юм.
ӨНӨӨДӨР ДЭВЖЭЭНД ӨРСӨЛДӨХ МАНАЙ БӨХЧҮҮДИЙН ОНООЛТ, ҮР ДҮН
50 кг: ОУХМ Долгоржавын Отгонжаргал эхний тойрогт гоц мөргөжээ. Тэрбээр Мексикийн Рита Чавез, Узбекистаны Жасмина Иммаева нарын ялсантай 1/8 шигшээд барилдана. Энд ялбал Румыны Эмилиа Вуч, Унгарын Шимонетта Шекер, Энэтхэгийн Нилам Нилам нарын аль нэгэнтэй шөвгийн дөрөвт үлдэхийн төлөө барилдах нь.
53 кг: Залуу тамирчин Батхуягийн Хулан тэгшитгэлд 2019 оны ДАШТ-ий хүрэл медальт, Жакарта 2018 Азийн наадмын аварга Энэтхэгийн бөх Винеш Погаттай таарч 7:0 оноогоор хожлоо. Хоёрдугаар тойрогт Казахстаны Жулдыз Эшимоватай барилдана.
65 кг: Өлзийсайханы Пүрэвсүрэн эхний тойрогтоо “Будапешт 2018” ДАШТ-ий хүрэл медальт, Пан Америкийн наадмын аварга Меллори Велтетэй учраа таарч, 4:14 оноогоор цэвэр хожигдлоо. М.Велте дараагийн даваанд Японы бөх Мива Морикатай барилдана. Тэрбээр аваргын төлөө гарч ирвэл манай бөх дагах юм.
76 кг: Ганбаатарын Ариунжаргал эхний тойрогт Италийн Энрика Ринальдитай учраа таарч цэвэр яллаа. Одоо манай бөх ДАШТ-ий хошой хүрэл медальт, Европын аварга Эстонын Эпп Маэтай барилдана.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Г.АРИУНЖАРГАЛ ГЭСНЭЭ Н.ЗАГАРДУЛАМЫН ЗУРГЫГ ОРУУЛАХ ЮМАА ЗӨВ ЗУРГАА ОРУУЛАЛДАА