АНУ-ын Сенат Тайваньд 4.5 тэрбум ам.долларын зэвсгээр туслах асуудлыг хэлэлцэнэ
АНУ-ын Сенатын Гадаад харилцаа хариуцсан хороо өчигдрийн хуралдаанаараа Тайвань улсад 4.5 тэрбум ам.долларын зэр зэвсгийн тусламж үзүүлэх асуудлыг хэлэлцээд дэмжжээ.
Хорооны гишүүдийн 17 нь дэмжиж, тав нь татгалзсанаар Сенатад оруулж хэлэлцүүлэхээр болсон байна. Хурлын үеэр 4.5 тэрбум ам.долларын зэр зэвсгийн тусламжийг дөрвөн жилийн хугацаанд үзүүлэхээс гадна Тайваньтай холбоотой үйлдлүүдээс нь хамаарч БНХАУ-ын эрх баригчид болон санхүүгийн байгууллагуудад хориг тавих асуудал яригджээ.
Тайваньд зэвсгээр туслах хуулийн төслийг санаачлагч, хорооны дарга Боб Менендез “АНУ Бээжинтэй дайтах, харилцаагаа хурцатгахыг хүсээгүй, гэхдээ асуудалд нухацтай хандахгүй бол болохгүй” гэж хурлын үеэр мэдэгдсэн байна.
Энэхүү хуулийн төсөл одоогоор батлагдаагүй. Цагаан ордны зүгээс энэ хуулийн төслийг баталбал Бээжинтэй 40 жилийн турш хөгжүүлж ирсэн харилцаагаа нураана гэдэг шалтгаанаар уг хуулийн төсөлд болгоомжтой хандаж байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.