АНУ-ын Ерөнхийлөгч Жо Байден ОХУ-д суух Элчин сайдаар Линн Трейсиг томилох төлөвлөгөөтэй байгаа талаар “Си Эн Эн” телевиз мэдээллээ.
Энэ томилгоо биелбэл Линн Нэгдсэн улсыг ОХУ-д төлөөлсөн анхны эмэгтэй Элчин сайд болох юм. Тэрбээр одоо Арменд ажиллаж байгаа бөгөөд Ерөнхийлөгч түүнийг ОХУ руу шилжүүлэх хүсэлтэй байгаа гэнэ.
“Ерөнхийлөгч томилгоог аль болох хурдан хийх хүсэлтэй байгаа” гэж Цагаан ордны өндөр тушаалын эх сурвалж мэдээлэлдээ дурдсан гэнэ. Линн Трейси нь орос хэлтэй, 2014-2017 онд ОХУ дахь АНУ-ын Элчин сайдын зөвлөхөөр ажилласан туршлагатай. 2019 оноос Арменд Элчин сайдаар сууж буй чадварлаг боловсон хүчин юм байна.
ОХУ-д Вашингтоныг төлөөлж асан Жон Салливаны бүрэн эрхийн хугацаа энэ сарын 4-нд дууссан аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.