Хүүхдийн эсрэг бэлгийн хүчирхийлэл харилцан тохиролцох байдлаар үйлдэгддэг

Хүүхдийн эсрэг бэлгийн хүчирхийллийн гэмт хэргийн харилцан тохиролцох байдлаар бэлгийн хүчирхийлэл үйлдэгддэг байна

Дээрх үйлдлийн аргад өртөж хохирсон охид 12-17 насныхан, харин холбогдогч нар нь 16-28 насныхан байна.

Цагдаагийн байгууллагаас мэдээлснээр,

• Цахим орчинд эсрэг хүйсийн хүмүүстэй ихээр танилцаж, улмаар үерхэх, татагдах зэргээр бэлгийн хүчирхийлэлд өртсөн байна
• Найз нөхдийн ятгалагт орж тэдний найз нөхөдтэй хамт архи согтууруулах ундааны зүйл хэрэглэснээс үүдэн бүлэглэн хүчирхийлэлд өртөх, дээрх явдлаас ичих зэргээр бусдаас нуух
• Эцэг, эх, асран хамгаалагчийн хараа хяналт сул, цахим орчинд хэнтэй хэрхэн харьцаж байгаад хянадаггүй зэрэг шалтгаанаас өртсөн байна.

Дийлэнх тохиолдлууд холбогдогчийн гэрт болон зочид буудалд үйлдэгдсэн бөгөөд бэлгийн боловсролын ойлголт дутмагаас хүсээгүй жирэмслэлт болон бэлгийн замын халдварт өвчинд өртөж хохирсноор илрэх тохиолдлууд дийлэнх байна.

Тиймээс урьдчилан сэргийлэх чиглэлээр,

• Дээрх үйлдлийн аргаас урьдчилан сэргийлэх чиглэлээр мэдээлэл, технологийн компаниудтай хамтран цахим орчинд охид, хөвгүүд, өсвөр насныхан, асран хамгаалагчдыг хамруулсан цогт арга хэмжээг хэрэгжүүлэх
• Хүүхдийн эсрэг цахим орчинд болон цахим бус орчинд үйлдэгдсэн хүчирхийллийн талаарх оролцогч талуудын зан үйлийн өөрчлөлтөд нөлөөлөх, хүчирхийлэлд өртсөн хүүхдүүд, тэдэнд үзүүлдэг үйлчилгээ, хүчирхийллийг мэдээлэх механизмын талаарх мэдээллийг нэмэгдүүлэх, хүүхдийг эерэг аргаар хүмүүжүүлэхийг дэмжих
• Зочид буудлын чиглэлээр үйл ажиллагаа явуулдаг иргэн, аж ахуй нэгжүүдэд тавих хяналт, хууль, эрх зүйн мэдлэг дээшлүүлэх зэргээр ажиллаж байна.

Б.ХАШ-ИЛД

Энэ мэдээнд өгөх таны үнэлгээ

Хуваалцаарай Жиргээрэй