Хэнтий аймгийн 33 дахь Засаг дарга Ц.Чогсомжав шинээр томилогдсон аймгийн Засаг дарга Д.Аюурбуньд тамгаа гардуулан өглөө. Аймгийн Засаг даргын Тамгын газрын дарга Ж.Гантулга МУ-ын Ерөнхий сайдын “Засаг даргаар томилох тухай” 2024 оны 10 дугаар сарын 30-ны өдрийн 96 дугаартай захирамжийг уншиж танилцууллаа.
Шинээр томилогдсон аймгийн Засаг дарга Д.Аюурбунь нь 2012-2013 онд Хэнтий аймгийн Засаг даргын Зөвлөх, 2013-2016 онд Радио Телевизийн Сүлжээ УТҮГ-ын дэд захирал, тэргүүн дэд захирал, 2017-2018 онд Жи Мобайл ХХК-ийн Захиргаа удирдлагын хэлтсийн дарга, Орон нутгийн гэрээт хариуцсан захирал, Хүний нөөц хариуцсан захирал, 2018-2023 онд Магнай Трейд ХХК-ны Хүний нөөц эрхэлсэн захирал, Борлуулалт хариуцсан дэд захирал, Тос гэрээт борлуулалт хариуцсан дэд захирал, 2020 оноос одоог хүртэл Хаан Ойл Групп ХХК-ийн үүсгэн байгуулагч, захирлаар ажиллаж байгаад ийнхүү Хэнтий аймгийн Засаг даргаар томилогдлоо.
Харин Хэнтий аймгийн 33 дахь Засаг дарга Ц.Чогсомжав нь 2022-2024 онд тус албан тушаалыг гүйцэтгэж, 2022, 2023, 2024 он буюу сүүлийн гурван жил "Монгол Улсын шилдэг аймаг"-аар шалгарч, Ерөнхийлөгчийн зарлигаар "Сүхбаатарын одон"-т аймаг болсон амжилттайгаар ийнхүү ажлаа хүлээлгэн өгч байна.
М.АГАР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хааны �##�ба х�##�аатай...Эзний �##�ба ээлжтэй!!!.хамгийн гол нь :орон нутгийн засагл�##� төрийн үйлчилгээний ажил �##�ба таср�##�тгүй, илүү сайжруулаад ажиллахыг хүсье.
Аль нам бэ?