“BOOM”: БНСУ-ын гудамжны бүжгийн тэмцээнд цахиур хагалж буй З.Чингүүн

“Eguur.mn” сайт “Boom” буландаа бүжигчин, модель, YouTuber Зоригтбаатарыг Чингүүнийг онцоллоо. Дэлхийн алдарт “Gillete” брэндийн нүүр царай болсон анхны монгол хүн тэрбээр өдгөө БНСУ-ын гудамжны бүжигчдийн “Street man fighter” тэмцээнд оролцож, олон, олон шилдгүүдтэй өрсөлдөж байгаа юм. Монгол залуу тус тэмцээнд өрсөлдөнө, Сонголгосын шоу, бизнесийн ертөнцийнхний хараанд өртөнө гэдэг бахархахгүй байхын аргагүй том амжилт.

-Зоригтбаатарын Чингүүн 1997 онд Дархан хотод төрсөн.

-Бүжигчин, модель, YouTuber.

-Түүний тайзны нэр нь "Yamakashi".

-Багадаа аавтайгаа хамт ОХУ-д өссөн.

-Орос, Герман, Солонгос, Англи хэлтэй.

-25 настай.

-З.Чингүүн дунд ангиасаа бие дааж, ганцаараа амьдарч эхэлжээ.

-Дархан хотын 19 дүгээр сургуулийг төгссөн.

-Дараа нь МУИС-д сурч байгаад БНСУ-ыг зорьсон.

-“K pop cover Dance Festival” тэмцээнд түрүүлж, 100 хувийн тэтгэлэг аваад Солонгост очсон.

-Сөүлийн “Kookmin” их сургуульд англи хэл, уран зохиолын ангид сурсан.

-Тэрбээр “Монгол HD” телевизийн “Намайг сонгооч” шоунд оролцсоноор нь хүмүүс илүү сайн мэднэ.

-Түүнийг бүжгийн спортод анх дурлуулсан хүн нь Майкл Жэксон.

-Хүсэл сонирхлоороо 14 настайгаа хойш гудамжны бүжиг, хип хоп, Urban стайлын төрлөөр бүжиглэж буй.

-Монголдоо төдийгүй БНСУ-д бүжгийн олон уралдаанд шалгарч, түрүүлж байсан.

-Бүжгийн багшаар ажилласан туршлагатай.

-Дуучин Ука, реппер Цэцэ нарын “Гараад ир” дууны клипэнд тоглож, олны хүндлэлийг хүлээсэн.

-Мөн Maaraa, Uranus нарын “Чамайг би” дууны клипэнд тоглосон.

-З.Чингүүн 2019 онд алдарт “Gillete” брэндийн нүүр царай болж байсан. Түүний тоглосон реклам богино хугацаанд хамгийн өндөр хандалт авсан сурталчилгаа болж байв.

-Өдгөө БНСУ-ын гудамжны бүжигчдийн “Street man fighter” тэмцээнд оролцож байна. Тус шоу тавдугаар сарын 24-нөөс олны хүртээл болж буй.

Монгол бүжигчин залуу Солонгосын шилдгүүдтэй өрсөлдөж буй нь олны анхаарлыг ихээхэн татаж байна.

Энэ мэдээнд өгөх таны үнэлгээ

Хуваалцаарай Жиргээрэй