АНУ-ын Конгрессын Сенатын танхим мягмар гарагт /2025.07.01/ хуралдаж, Ерөнхийлөгч Доналд Трампын хуулийн төслийг дэмжсэн байна. “One Big Beautiful Bill” буюу “Нэг сайхан том хууль” нэртэй тэрхүү хуулийн төсөл нь татварын хөнгөлөлт, төсвийн тухай юм.
Сенатын танхим 50:50 харьцаатай санал хураасан учир АНУ-ын Дэд ерөнхийлөгч Ж.Д. Ванс эцэслэн шийдвэрлэхийн тулд санал өгч, хуулийн төсөл дэмжигдсэн байна. Трампын Бүгд найрамдах намын гурван сенатор хуулийн төслийг эсэргүүцэж саналаа өгсөн юм. Одоо тус төслийг Конгрессын доод танхим буюу Төлөөлөгчдийн танхим авч хэлэлцэнэ. Төлөөлөгчдийн танхим дахь хэд хэдэн Бүгд найрамдах намын хууль тогтооч “One Big Beautiful Bill”-ийг эсэргүүцэхээ мэдэгдсэн байгаа юм.
Трамп тэрхүү хуулийг АНУ тусгаар тогтнолоо зарласан өдөр буюу баасан гараг /2025.07.04/ гэхэд гарын үсгээ зурж батлах хүсэлтэй. Төлөөлөгчдийн танхимын Спикер Майк Жонсон хэлэхдээ тэр хугацаанаас өмнө төслийг дэмжихийг зорьж байгаа гэжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.