Чуулган | "Нүүрсний арилжаагаар 250-300 тэрбум ам.доллар буюу 896 их наядыг олно" гэсэн тоонд хариулт өгч чадсангүй
УИХ-ын чуулганы нэгдсэн хуралдаанаар Монгол Улсын 2026 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүд /Засгийн газар 2025.09.01-ний өдөр өргөн мэдүүлсэн, анхны хэлэлцүүлэг, асуулт, хариулт 90 минут/ -ийг хийж байна.
УИХ-ын гишүүн Ө.Шижир: "Нэг тэрбум ам.долларын гурваас таван удаагийн нүүрсний арилжааг амжилттай зохион байгуулаад 250-300 тэрбум ам.долларыг татан төвлөрүүлэх боломжтой" гэчихсэн байна. Энэ хаанаас олж ирсэн тоо вэ. Хэн ийм тоо бодоод байдаг юм" хэмээн асуулаа.
Энэ нь дор хаяж 896 их наяд төгрөг юм.
Тэгэхээр тоо алдаж бичсэн гэгдэв.
Аж үйлдвэр, эрдэс баялгийн яам хариулт өгч чадсангүй.
Аж үйлдвэр, эрдэс баялгийн сайд Г.Дамдинням "Ний нуугүй үнэнийг хэлэхэд Монгол улс хоёр уул уурхайн яамтай болоод удаж байна. Эрхэм гишүүд энэ зовлонг ойлгож "Эрдэнэс Монгол" болон "Эрдэнэс Тавантолгой"-той холбоотой асуултыг ЗГХЭГ-ын дарга С.Бямбацогтоос асууж байвал зүгээр. Энэ асуудлыг засах гэж олон удаа хандсан ч хүлээж аваагүй" хэмээлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.