“Оюутолгой” төслийн 66 хувийг эзэмшдэг “Turquoise Hill Resource” компани 10 ширхэг хувьцаа бүрээ нэг болгон нэгтгэхээр болжээ. Компанийн хувьцаа эзэмшигчид өнгөрөгч долдугаар сард хуралдаж, ТУЗ-д хувьцаа нэгтгэх зөвшөөрлийг олгосон юм. Харин хэдэн ширхэг хувьцаа нэгтгэгдэх тухай мэдээлэл ил болоогүй байв.
Тэгвэл аравдугаар сарын 1-ний өдөр тус компаниас 10 ширхэг хувьцааг нэгтгэх болсон тухай мэдээлжээ. Хувьцаа нэгтгэл энэ сарын 23-наас явагдах бөгөөд, нэгтгэгдсэний дараах арилжааг 26-наас эхлүүлэх юм байна.
“Turquoise Hill Rescource”-ийн хувьцаа нэгтгэх болсон нь Нью-Йоркын хөрөнгийн биржээс нэгж хувьцааны 30 хоногийн хаалтын дундаж 1 ам.доллараас доошгүй байх шаардлагыг тавьсантай холбоотой.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.