Сонгуулийн дүнгээр олонхын санал авсан 76 нэр дэвшигч өнөөдөр /2020.06.29/ УИХ-ын гишүүний үнэмлэхээ Сонгуулийн ерөнхий хорооны гишүүдээс гардан авлаа.
УИХ-ын гишүүний үнэмлэхээ гардан авсан гишүүд Анхдугаар чуулганд тангараг өргөснөөр гишүүний бүрэн эрх нь баталгааждаг. СЕХ-ноос өнөөдөр сонгуулийн дүн болон УИХ-ын гишүүнээр сонгогдсонд тооцсон тухай шийдвэрийг Монгол Улсын Ерөнхийлөгчид өргөн мэдүүлэв.
Үүний дараа Ерөнхийлөгч Анхдугаар чуулганыг зарлан хуралдуулснаар шинэ гишүүд тангаргаа өргөх юм.
Монгол Улсын Их Хурлын тухай хуулийн 14.1-д “Анхдугаар чуулганыг ээлжит сонгуулийн санал хураалт явуулсан өдрөөс хойш 30 хоногийн дотор Ерөнхийлөгч зарлигаар товлон зарлаж хуралдуулна” гэж заасан.
Одоогоор Анхдугаар чуулганы тов гараагүй байгаа юм.
Анхдугаар чуулганаар дараах асуудлыг хэлэлцэн шийдвэрлэнэ:
- 14.3.1. шинээр сонгогдсон гишүүдийн бүрэн эрхийг хүлээн зөвшөөрөх;
- 14.3.2. Улсын Их Хурлын дарга, дэд даргыг сонгох;
- 14.3.3. Байнгын болон дэд хороодын бүрэлдэхүүнийг баталж Байнгын хорооны дарга нарыг сонгох;
- 14.3.4. Ерөнхий сайдыг томилох;
- 14.3.5. Засгийн газрын бүтэц, бүрэлдэхүүний тухай хууль хэлэлцэн батлах;
- 14.3.6. Засгийн газрын гишүүдийг томилох.
- 14.3.7.Улсын Их Хурлын чуулганы хуралдааны дэгийг шинэчлэн батлах эсэх асуудлыг шийдвэрлэх гэсэн байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.