Дэлхийн удирдагчдыг “загнасан” 16 настай Грета Тунберг

Монгол Улсын Ерөнхийлөгч Х.Баттулга Дэлхийн эдийн засгийн чуулганд оролцох үеэрээ уур амьсгалын өөрчлөлтийн эсрэг  тэмцэгч Грета Тунбергтэй уулзаж, түүнийг Монгол Улсад болох олон улсын залуучуудын ногоон наадамд хүрэлцэн ирэхийг урив.

ДЭЛХИЙН УДИРДАГЧДЫГ ЗАГНАСАН ГРЕТА ТУНБЕРГ ГЭЖ ХЭН БЭ

НҮБ-ын уур амьсгалын өөрчлөлтийн асуудлаар чуулган дээд хэмжээний уулзалын үеэр дэлхийн удирдагчдыг “загнан”, хангалттай арга хэмжээ авч чадахгүй байна хэмээн буруутгасан, 16 настай Грета Тунберг олны танил болсон нэгэн юм. Түүний зориг, байгаль дэлхийн төлөө тэмцэж байгаа нь олны талархлыг ихэд хүлээдэг.

Тэрбээр НҮБ-ын хуралд оролцохдоо “Би энд байж байх ёсгүй байсан. Уг нь би далайн нөгөө талд, сургуульдаа суралцаж байх ёстой байсан. Гэтэл та нар өөрсдийн хоосон үгээрээ миний хүүхэд нас, мөрөөдлийг булаасан. Би бол азтай хүмүүсийн нэг. Харин тэнд хүмүүс зовж бас үхэж байна. Дэлхийн эко-ситем нуран унаж байна. Бид дэлхий нийтийг хамарсан сүйрлийн ирмэг дээр байна. Харин та нарын ярьдаг зүйл бол зөвхөн мөнгө бас байгаль орчин сэргэж байгаа гэсэн худал хуурмаг үлгэрүүд. Та бүхэн яаж ингэж чадаж байна аа” гэж хэлсэн юм.

Байгаль орчныг идэвхтэй хамгаалагч Грета Тунберг Нобелын энх тайвны шагналд нэр дэвшиж, улмаар уг шагналтай дүйцэхүйц, өөр нэг хувилбар болох “Аlternative nobel prize”-аар шагнагдсан юм.

Грета Тунберг 2019 оны "Right Livelihood Award” буюу "Зөв амьдралын хэв маягийн шагнал"-ыг хүртэх дөрвөн эрхмийн нэгээр тодорсон юм.

Энэ жил түүнтэй хамт тус шагналыг Баруун Сахарын Аминатоу Хайдар, Хятадын Гуо Жянмэй, Бразилын “Hutukara Yanomami”  нийгэмлэг болон Дэви Копенава нар хүртэв.

“Аlternative nobel prize” шагналыг 103 мянган ам.долларын урамшуулал дагалддаг. Тэгэхээр 16 настай Грета Тунберг нэг сая крон өвөртөлсөн нэгэн юм.

Б.БУЯНДАЛАЙ

Энэ мэдээнд өгөх таны үнэлгээ

Хуваалцаарай Жиргээрэй