УИХ дахь ИЗНН-ын зөвлөлийн ажиллах журмыг хэлэлцэж, Улс төрийн зөвлөлд хүргүүлэхээр боллоо
Улсын Их Хурал дахь Иргэний Зориг Ногоон Намын зөвлөл өнөөдөр хуралдаж, намын үйл ажиллагаатай холбоотой асуудлуудыг хэлэлцэн шийдвэрлэлээ. Хурлаар нийт таван асуудал хэлэлцэн шийдвэрлэжээ. Тодруулбал,
1. Намын дүрмийн 7.4, 7.5 дахь заалтыг үндэслэн УИХ дахь ИЗНН-ын зөвлөлийн ажиллах журмын төслийг хэлэлцэн дэмжиж, Улс төрийн зөвлөлд хүргүүлэхээр шийдвэрлэлээ.
2. Дөрөвдүгээр сарын 27-ны өдөр зохион байгуулагдах Зөвлөлийн хурлаар Ерөнхий сайд Н.Учралаас цаг үеийн асуудлаар мэдээлэл авахаар тогтов.
3. ИЗНН-ын зөвлөлийн гишүүдийг Улсын Их Хурлын байнгын хороодод харьяалуулан ажиллуулах саналыг Улсын Их Хурлын дарга С.Бямбацогтод хүргүүлэхээр болов.
4. ИЗНН-ын зөвлөлийн үйл ажиллагааг хэвийн явуулах нөхцөлийг бүрдүүлэх, зохион байгуулалтын асуудлыг сайжруулах чиглэлээр Улсын Их Хурлын Тамгын газартай холбогдуулан саналыг Улсын Их Хурлын даргад хүргүүлэхээр шийдвэрлэлээ.
5. Дөрөвдүгээр сарын 26-ны өдөр зохион байгуулагдах намын Их Хурлын бэлтгэл, зохион байгуулалтын асуудлаар зөвлөлийн гишүүдийн саналыг авч нэгтгэлээ.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Батбаатарт явж явж муу Нара нь л хань болох нь дээ. Урваач шарваач биш, хүний тус мэддэг хүмүүс л нэг зангаараа байдаг хорвоо
Таарсан таар шуудайнууд. Хүсэл, зорилго нь мөнгө тул нэг байхаас ч яах билээ.