₮439 саяын хахууль авсан хэргээр 40 саяар торгуулсан А.Мөнхтайван нар дахин шүүгдэнэ
“Эрүүл мэндийн салбарын хөгжил хөтөлбөр” (ЭМСХХ) төслийн зохицуулагч асан А.Мөнхтайван, Худалдан авалт хариуцсан ажилтнаар байсан Б.Цэнд-Аюуш, "Сетунари" ХХК-ийн захирал асан Д.Энхтуяа нарт холбогдох хэргийн шүүх хурал |2025.08.15|-ны өдөр болсон.
А.Мөнхтайванд 5 жил нийтийн албанд ажиллах эрхийг хасаж, 40 сая төгрөгөөр торгох ял оноож, "Сетунари" ХХК-ийн захирал асан Д.Энхтуяад Эрүүгийн хариуцлага хүлээлгэхээс чөлөөлж, Худалдан авалт хариуцсан ажилтнаар байсан Б.Цэнд-Аюушийг буруугүйд тооцож шийдвэрлэж байсан. Тэгвэл тус этгээдүүд дахин шүүгдэх нь.
Тодруулбал, өнөөдөр 11.30 цагт БЗ, СБ, ЧД-ийн Эрүүгийн хэргийн анхан шатны тойргийн шүүхэд болох товтой байна. Ингэхдээ хувийн баталгаа гаргах, тодорхой үйл ажиллагаа явуулах, албан үүргээ биелүүлэхийг түдгэлзүүлэх, хязгаарлалт тогтоох агуулгатай.
Шүүгдэж буй зүйл анги нь, Эрүүгийн хуулийн 22.4-5, Эрүүгийн хуулийн 22.4-1.
Тус хэргийн талаарх өмнөх мэдээллийг дараах линкээс унших боломжтой.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.