СУРВАЛЖИЛГА, НИЙТЛЭЛЭДИЙН ЗАСАГ

Өндөр хадгаламжтай УЛСТӨРЧИД хүүгийн орлогоосоо татгалзаж, АЖИЛ ОЛГОГЧДЫН зээлийн хүүг БУУРУУЛЪЯ

Арилжааны банкуудад эдүгээ 13 их наяд орчим төгрөгийн иргэдийн хадгаламж бий. Уг дүнгийн 95 хувь буюу 12.3 их наяд орчим нь нийт хадгаламж эзэмшигчдийн 5 хувьд ногдож буй. Банкууд иргэдийн мөнгийг 10-13 хувийн хүүтэй хадгалахын тулд зээлийн хүүгээ 17-22 хувь хүртэл нь өсгөдөг билээ. Бүдүүлгээр хэлэхэд, цөөн хэдхэн иргэнд хадгаламжийн хүүгийн ӨНДӨР өгөөж хүртээхийн тулд нийт олноороо зээлийн хүүгийн ДАРАМТАД ордог тогтолцоотой.

50 ТЭРБУМЫН ХАДГАЛАМЖТАЙ ИРГЭН ЗҮГЭЭР СУУЖ БАЙГААД Л ЖИЛД 6.5 ТЭРБУМ ТӨГРӨГ АВДАГ

Улсынхаа нэг жилийн төсөвтэй тэнцэх мөнгийг нийт хадгаламж эзэмшигчдийн 5 хувь нь дансандаа төвлөрүүлсэн гэхээр бас л аймаар тоо байгаа биз. Мэдээж мөнгөтэй, бийлэгжүү хүмүүсээ нийгмээрээ үзэн ядаад байж болохгүй. Гэхдээ ажил олгогчид хуруу хумсаа хуйхалж байгаа ийм үед 50 тэрбумын хадгаламжтай нэг баачка 13 хувийн хүүгийн өгөөжөөр зүгээр сууж байгаад л 6.5 тэрбум төгрөг халаасалж байна.

Их хэмжээний мөнгөө хадгаламжид хийчихээд, хүүгийн орлогоороо аялж, зугаалж, баясч яваа цөөн хэдэн иргэнийг яах ч аргагүй. Зах зээлийн чөлөөт нийгэмд амьдарч яваа иргэдийг банкан дахь хадгаламжаар нь шүүх эрх ч бидэнд байхгүй. Гэхдээ ийм онцгой үед арилжааны банкныхан “Хадгаламж эзэмшигчдийн мөнгө эрсдэлд орох учраас зээлийн хүү буулгах боломжгүй” гэж хэлээд сууж байгаа.

Тэгвэл өндөр дүнтэй хадгаламжийг ямар хүмүүс эзэмшдэг вэ. Мэдээж улстөр, бизнесийн хүрээний томчууд. Хувийн хэвшилд ажиллаж үзээгүй шахам түүхтэй мөртлөө тэрбумын хадгаламжтай улстөрийн хүрээнийхэн байна. Бизнесийн ашгийн тодорхой хувийг улстөрд орсон хэдий ч хадгалдаг хүмүүс ч бий. Тэдний нийтлэг нэг зүйл нь, өнөө маргаашийн идэх хоол, өмсөх зүүх хэрэглээнд үл баригдагчид. Өөрөөр хэлбэл, “учраа хэдийнэ олцгоосон хүмүүс” байдаг.

Зөвхөн 2019 онд зарлагдсан ХОМ-ээс харахад, УИХ-ын гишүүдээс Ж.Ганбаатар 22.9 тэрбум, Б.Наранхүү 12.5 тэрбум, Ц.Мөнх-Оргил 5,6 тэрбум, Ж.Энхбаяр 4.9 тэрбум, Сү.Батболд 1.5 тэрбум, Б.Дэлгэрсайхан 1.5 тэрбум, Н.Учрал 1.3 тэрбумын хадгаламжтай байв. Энэ жагсаалт цаашаа Ерөнхий сайд У.Хүрэлсүх 1.6 тэрбум, Ерөнхийлөгч асан Н.Багабанди 1.8 тэрбум, УУХҮЯ-ны ТБНД Г.Нандинжаргал 1.8 тэрбумын хадгаламжтай зэргээр хөвөрч өгнө.

Өнөөдөр банкууд чухамдаа ийм л хүмүүсийн хадгаламжийг хамгаалж, үйлдвэрлэгчдэд зээлийн хүүгээ буулгахыг хүсэхгүй байгаа билээ.

ӨНДӨР ДҮНТЭЙ ХАДГАЛАМЖИЙН ХҮҮГ ЭМЗЭГ ҮЕД БУУЛГАЖ, БИЗНЕСИЙН ЗЭЭЛИЙН ХҮҮГ БАГАСГАЯ

Ардчилсан нам хувь хүний эрх чөлөө, бизнесийн тусгаар тогтнол зэрэг дээр харьцангуй либериал үзэлтэй. Харин МАН бол хүсвэл нийтийн эрх ашгийн төлөө цөөн хэдийн эрхийг зөрчиж болох шийдвэрийг гаргачихдаг онцлогтой. Яагаад ийм үед, эрх баригчид давуу талаа ашиглан, өндөр дүнтэй хадгаламж эзэмшигчдийн хүүгийн өгөөж дээр хязгаар тавьж болохгүй гэж.

Цөөхөн иргэний хадгаламжийн хүүгээс хүртэх өндөр өгөөжийг хөл хорионы үед хумьснаар нийт ажил олгогчдоо зээлийн хүүний дарамтаас бага боловч ангиржруулах эдийн засгийн гарц  олдох биш үү. Тэнүүн явахад тэмээгээр тусалснаас тэвдэж явахад тэвнээр тусла гэж үг бий. Ханасан уусмал шиг амьдралтай дутагдаж гачигдах зүйлгүй өндөр хадгаламжтай иргэдээ хэдхэн сар хүүгийн өгөөжөөсөө татгалзаж, нийт эдийн засгаа аврахыг төр засгаас нь уриалах хэрэгтэй. Төр засагтаа зүтгэж яваа өндөр дүнтэй хадгаламж эзэмшигчид энэ үед эрх биш нэгийг бодох биз ээ.

Коронавирусийн тархалт дэлхийн эдийн засгийг тэр чигт савлуулж, дэлхийн 30 орон бодлогын хүүгээ буулгалаа. Улс орнууд ажил олгогчид руугаа чиглүүлсэн олон төрөлт арга хэмжээ авч, зээлийн эх үүсвэр нэмж татварын дарамтаас чөлөөлөх чиглэлд ажиллаж байна. Гол зорилго нь ажлын байрыг тогтвортой хадгалах явдал. Иргэдээ мянга дэмжээд ч тэд ажилгүй л бол улс бүхэлдээ эрсдэлд орох учраас тэр. Тэгвэл манай улсын нийт ажлын байрны 90 хувийг хувийн хэвшлийнхэн бүрдүүлдэг.

Өнөөдөр иргэдийн хэрэглээний зээл рүү чиглэсэн арга хэмжээ авахаасаа илүүтэйгээр бизнесүүдээ том, бага гэлгүй аврах хэрэгтэй байна. Эдийн засагчид ч ажлын байраа дэмжихгүй бол хоёр жил эдийн засаг сульдаа хэвээр байна гэдгийг тайлбарлаж буй.

Нэг улстөрчдийн хадгаламжид сул хэвтэж байдаг тэрбум төгрөгийг хувийн хэвшлийнхэн арилжааны банкнаас 17-22 хувийн хүүтэй зээлдэг. Тэд ажлын байр үүсгэж, нэмүү өртөг төлж, ААНОАТ төлөхийн зэрэгцээ арилжааны банкны зээлийн хүүг давхар төлөх үүрэг хүлээдэг. Улс орныхоо ачааны хүндийг үүрч яваа ажил олгогчид, үйлдвэрлэл эрхлэгчдээ зээлийн хүүний өндөр дарамтаас аврах гарц үнэндээ өндөр хадгаламж эзэмшигч цөөн хэдхэн хүнд л байна.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

29
СЭТГЭГДЭЛ

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

avatar
240
28 Сэтгэгдлүүд
1 Сэтгэгдлүүдийн хуриултууд
0 Дагагч
 
Топ сэтгэгдэл
Халуухан сэтгэгдлийн хэсэг
Шинэ Хуучин Шилдэг
Иргэн
Иргэн

Их хурлын гишүүн болох гээд үхэлдээд байдгын учир энэ шүү дээ. Хуралдаа бараг суухгүй, хаяа нэг энд тэндээс хуулсан хуулиа санаачлагч гэж 30 саяийг авна. Эх орон, байгалийн баялагыг маань худалдаж хахууль авна. Ийм байхад бид хөгжих үү.

Отгоо
Отгоо

Хүрэлсүх ганц удаа бизнес хийж үзэх нь битгий хэл худалч хүн хэлэхэд бизнес ярьж үзээгүй нөхөр яахаараа 1.6 тэрбум төгрөг хадгалуулчихсан тэрнийхээ хүүг идчээд ажил хийхгүй попроод л явдаг байнаа

zochin
zochin

баячуудийг монголийн бизнесийг дэмжихийг уриалан давалгаалъяа.та нар төрд суучхаад иим маягаар эдийн засгаа нураагаад сууж болохгуй шүү.,.эдийн засгаа сэргээх үнэн амархан шүү.одоо жоохон улсаа боддоо.та нарт хангалттай мөнгө бна.Хүрэлсүхэ

Зочин
Зочин

Улс төрчид гэдэг ийм л хүмүүс.Наанаа аймаар шударга царайлж гэнэн хүмүүсийн итгэл дээр улс төр хийж тоглох ажгуу.

zochin
zochin

Энэ мэдээлэлээ эртхэн өгч баихгуй яасан юм бэ. үнэхээр энэ төриин хумуус чини мөнгө хүүлж ард түмнийг мөлжиж амъдардаг юм бна ш дээ орчин үеийн Госбэкууд бна ш дээ.тэгээд банкни хүүг буулгахгуй гүриигээд бдаг юм бна.э

БААТАРЖАВ
БААТАРЖАВ

БАНК НЬ МӨНГӨГГҮЙ БОЛОХООР ХАДГАЛАМЖ 15% АВАА18%-25% Р ЗЭЭЛ ӨГЧ ЦАЛИН ТОГ УСНЫХАА МӨНГИЙГ ӨГ ЖААХАН АШИГ ОЛДОГ. ЭД МӨНГӨӨ ТАТААД АЛТ АВААД АВДРАНДАА ХИЙЧИХД АЛТНЫ ХАНШ ХҮҮ ШИГ Л ӨСДӨГ АРД ТҮМЭН ЗЭЭЛЭХ МӨНГӨГГҮЙ ЭДИЙН ЗАСАГ ЛГЭЭРЭЭ ХЭВТЭНЭ.

Иргэн
Иргэн

за та өндөр хадгаламжтай гэдэг чинь тодорхой. Агаар, ус алтнаас үнэтэй шүү. Алт ухаж эх орноо цөл болгож баяжих хэрэг байдаг ч юмуу. Монголчууд тогоо дүүрэн хоолтой, гэр дүүрэн инээдтэй л гэдэг байсан. Одоо мөнгөний хойноос үхэлдэх болжээ

Зочин
Зочин

Баттулга, АПУ-гийнхан, НИК-ийн Оюунгэрэл зэрэг олигархууд 5 төгрөг ч хандивладаггүй гэтэл асрамжийн газрын өндөр настнууд хүртэл тэтгэврийн мөнгөө хандивлаад л энэ баячууд ер нь хүн үү эсвэл…

zochin
zochin

эд нарийн банкни өндөр хүүг хөөрхий бизнесүүд төлдөг юм бна ш дээ.Одоо монголчууд эрхээ хамгаалж тэмцэх цаг иржээ.ядахдаа банкни зээлийн хүүг бууруулах талд тэмцее.их хадгаламжтай баячуудийг эх орондоо туслахийг бас монголийн бизнесийг дэмж

зочин
зочин

Олон нийтийн хамгийн гол зүйл, тулгамдаж байгаа асуудал хэрэглээний зээлийн хүүг багасгах явдал.

Зочин
Зочин

монголын шилдэг …………..д

Зочин
Зочин

Баян болоход буруу нь юу байхав. Гэхдээ хүн амын нэг хэсэг нь үгээгүй ядуу, гачлантай амьдарч байгаа байдлыг бий болгоход үйлчилдэг, шударга бусаар орлого олохыг мэрийдэг, энэ чиглэлээр эрх зүйн орчин бүрдүүлж байдаг нь хэн билээ гэдгийг т

123456
123456

Deer n 3% huutei bolon huugyi zeel ayvna.Huuhduud n gadaadad unegyi surna gadagshaa ulsiin mongoor zugaalna ednii buh hereglee unegyi mortloo gariin useg n asar unetei.Tegeed bugdeeree too boddoo.Huviin hevshliinhen bool n busad n zarst nar

123456
123456

Ard tumen bol ednii bool zarst nar shuu dee

Зочин
Зочин

Олноос цөөнх тодорч гардаг нь байгалийн хууль. Буцаад тэр цөөнхөө хэлмэгдүүлээд ард олны төлөө хөрөнгийг нь хураагаад авчихвал энэ ардчилал биш ардчилал, эрх чөлөөг гажуудуулсан ЗЭРЛЭГ АРДЧИЛАЛ болно. Бусдын хувийн өмч рүү битгий дайр.

Иргэн
Иргэн

Энэ их мөнгөнүүд хаанаас цугларсан бол оо???

судлаач иргэн
судлаач иргэн

хэт их орлого газрын баялагаас авдаг иргэд компаниудын татварийг 50 хувь болгох ,баялагаас авсан орлогийн 70 хүртэл хувийг дотоодын банкинд хадгалах ,хөрөнгө оруулах
талаар хуульчлах

Зочин
Зочин

Олигтойхон эх орончийг төрийн толгойд гаргаж чадвал хулгайчуудыг болгоод өгнөдөө. Тийм эх оронч хэн бэ өнөөдөр?

Зочин
Зочин

Эд нар чинь шуналын бирдүүд юм байна. Багабанди гэхэд л наадмаар алтан бүс зүүгээд явж байсан. Яг л Африкийн дарангуйлагч шиг. Ийм их мөнгөтэй мөртлөө л шунаад Оюутолгойн ТУЗ-д олрох гээд лүхэн хатаж явсан.

Зочин
Зочин

Америк, Хятад, Оросын баячуудтай харьцуулбал өрөвдлийн л хадгаламжтай хүмүүс байна шд. Ийм юм дээр алалцаж байгааг харвал тэд нар юу гэж бодох бол.

Ард
Ард

Бугдийн буудаж алах цаг ирж бна

Fuck yumaa
Fuck yumaa

Yamar utgagui yum be. Ene humuus hezee ch hudulmuruuruu iim ih mungu olohgui. Arai l utgaguu bnaa. J. Enkhbayar ene ter yu ve.

Зочин
Зочин

УИХ хурал шийдвэр гаргах цаг нь болсон.Монгол банкны бодлогын хүүг 3% болгох,иргэдийн хадгаламжийг 2%шууд болгох хэрэгтэй.Ингэхэд наад зурганд чинь байгаа хулгайч нар л саад болно.Би гэхэд л 5%-ыг бүрдүүлдэг хадгаламж эзэмшигчийн төлөөлөл .

Зочин
Зочин

…шүү би 2%болоход гомдол гаргахгүй ээ.Ингэж арга хэмжээ авбал хүн өүр ббага хүүтэй зээл авч хөдөлмөр эрхэлж эхэлнэ,хөрөнгийн з.з хөгжиж эхэлнэ.Үүнийг л яаралтай хий.

Зочин
Зочин

Мөнх-Оргил гэхэд л 7 сарын 1-ний хэргээр 5 залуугийн амь насыг бүрэлгээд 5 тэрбумтай болжээ. Эдний мөнгө бол өөрсдийнх нь хөдөлмөрийн үр шим биш ард түмний хөлс, цусыг сорж авсан, авилгалын мөнгө.

Зочин
Зочин

СОЛОНГОСТ БОЛ ИХ МӨНГӨТЭИ ХҮМҮҮСИИН МӨНГИИГ ХАДГАЛСНЫ ТӨЛӨӨ ХҮҮ ТӨЛӨХГҮИ ХАРИН Ч ХАДГАЛЖ ХАМГААЛСНЫ ТӨЛӨӨ ТАТВАР АВНА ГЭДЭГ ЮМ ШИГ БАИНА ЛЭЭ …..

Зочин
Зочин

ЭНЭ ХЭДХЭН БАЯЧУУД БААХАН ГУИЛГАЧИН ЯДУУЧУУДТАИ ХАМТ АМЬДРАХ САИХАН Л БАИДАГ ЮМ БАИХДАА

Дарамбазар
Дарамбазар

Нэр дэвшсэн баячууд ыг дэмжих гүй шүү сонгогчдоо зээлийн хүү бууруулах гүй хадгаламжийн хүү өндөр ард түмэн биднийг бодох сэтгэлгүй хулгайч нар шүү

Иргэн
Иргэн

Хэрэглээний зээлийн хүүг нь л тэгэлчихээч дээ. Зээлсэн мөнгөө л буцааж өгнө биз.Та нар чинь ард түмэндээ хайртай ш дээ. Хаан банкыг дэмжиж хахууль авч ахмадын зээл тэглээ биз дээ.Үнэхээр ахмад настнаа гэсэн бол зээлгүй ахмадаа үлдээхгүй дээ

Back to top button