Х.Нямбаатар: Борлуулалтын цэгүүдэд өдөрт 5000 тонн түлш борлуулж байгаа, үүнийг 2 дахин нэмнэ
Цаг агаар хүйтэрч иргэдийн амьдрал зутруу байна. Энэ өвлөөс агаарын бохирдлыг бууруулах зорилгоор хагас коксжсон нүүрсийг хэрэглээнд нэвтрүүлж эхэлсэн. Гэсэн ч олдоц бага, нийлүүлэлт муу учир гэр хорооллын иргэд гэртээ даарч байна.
Тиймээс түлш борлуулах цэгүүдэд түлшний нөөц хангалтгүй байгаа талаар иргэдийн санал гомдолд Хотын дарга Х.Нямбаатар дараах хариултыг өглөө.
Тэрбээр,
“Нийслэлд зарим борлуулалтын цэгт үдээс хойш түлш дуусаж, хомсдол үүсэж байна. Түлш борлуулж байгаа 400 цэг бий. Түлш борлуулалтын цэгүүдэд өдөрт 5000 тонн түлш борлуулж байсныг хоёр дахин нэмэгдүүлж 10 мянга болгон, нийлүүлэлтийг нэмэгдүүлнэ. Өөрөөр хэлбэл нийлүүлэгчийн зүгээс өдөрт хоёр удаа тээвэрлэлт хийх юм. Хэдийгээр өмнөх жилүүдийн дундажтай адил хэмжээгээр түлшний нийлүүлэлт хийгдэж байгаа ч иргэд хүйтрэхээс өмнө түлшээ нөөцлөх хандлагатай байна.
“Хотула” аппликейшнээр өрхийн нэг гишүүн бүртгүүлж, түлшээ авна гэж тооцож байсан ч нэг өрхөөс 2-4 хүн бүртгүүлж түлш авч байна. Иймээс бүртгэлийг хянаж, нэг өрхөөс нэг л гишүүн түлш авч байхаар тохируулснаар зохиомол хомсдол үүсэхгүй. Борлуулалтын цэгүүдийн нийт түлшний 50 хувь нь хуучин мидлинг, 50 хувь нь шинэ түлш байна. Арванхоёрдугаар сарын сүүлчээр 100 хувь хагас коксон шахмал түлш буюу шинэ түлш борлуулна. Энэ үед агаарын чанар ямар түвшинд очсон байна вэ гэдгийг бодитоор хэмжиж олон нийтэд танилцуулна” гэв.
Д.УЛСАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
7 хоногт 7 шуудай нүүрс авах эрх нээгдэж байгаа ч яг очоод авах гэхээр хотын даргын шийдвэрээр нэг айлд 3шуудайг өгөх болсон гэнээ. Дараа ирээд 4 шуудайгаа авч болно гэх юм . Гэтэл хоёр удаа машин хөлсөлж цаг зав мөнгө төгрөг шатахуун гээд баахан төвөг үүсэж байдаг. Иргэддээ ээлтэй байх тухай ойлголт хотын захиргаанд бүр байхгүй болсон байна. Гэртээ нялх хүүхэдтэй сууж байгаа эмэгтэй, ядаж байхад хашааны байршил нь өндөрлөг н�##�уу газар, нөхөр нь хөдөө орон нутагт томилолтоор ажиллаж байгаа гэж бодвол тун амаргүй бэрхшээл үүсэж байгаа юм. Аль болох нэг удаа ахиухан түлээ түлшээ бэлтгэж авб�##� ядахдаа унааны зард�##� нь ч бага тусах байх. Шатахуун ховор байгааг хэлэх үү таксины үнэ 3000 болчихсон байна.