Ерөнхийлөгчийн саналаар улирсан Б.Жаргалсайхан МАН доторх 30-ын талынхныг “намнах уу”
Нийслэлийн прокуророос өчигдөр гэнэтхэн “амь орж” хэд хэдэн УИХ-ын гишүүнтэй холбоотой гомдол дээр хэрэг бүртгэлийн хэрэг нээж шалгаж байгаа талаараа мэдээллээ.
Ингэхдээ, ерөнхий байдлаар нь харвал МАН-ын 30-ын талынхан буюу ерөнхийлөгчийн эсрэг дуугарч, санаачилсан хуулийг нь унагаачихаж мэдэхээр хэмжээнд намын талцлыг идэвхжүүлсэн Ерөнхий сайд асан Л.Оюун-Эрдэнийг Эрүүгийн хуулийн 22.1.3 буюу улс төр нөлөө бүхий этгээд албан тушаалаа урвуулан ашиглах, 22.10.1 буюу хуулийн этгээдийн эрх мэдлийг урвуулан ашиглах, 18.6.1 буюу мөнгө угаах гэмт хэрэгт холбогдуулан хэрэг бүртгэлийн хэрэг нээн шалгаж буй гэв.
Мөн Л.Оюун-Эрдэнийн ах Б.Баатарыг ТЕГ-аас Эрүүгийн хуулийн тусгай ангийн 19.9.1 буюу Үндэсний эв нэгдлийг бусниулах гэх заалтаар шалгаж, прокуророос мөрдөн шалгах ажиллагааг явуулж эхэлжээ.
Шалгалтын цуваа үүгээр тасрахгүй бөгөөд УИХ-ын гишүүн Х.Баттулгыг Төгрөг нуурын ордыг 250 сая ам.доллароор гадаадын дөрвөн иргэнд зарсан гэх асуудлаар одоогийн Ерөнхий сайд Н.Учрал ЗГХЭГ-ын дарга байхдаа шалгуулахаар хуулийн байгууллагад өгч байсныг Нийслэлийн прокуророос тоосыг нь хөдөлгөж, мөрдөн шалгах ажиллагаа явуулж буй гэв.
Харин сүүлд нь УИХ-ын дарга асан Д.Амарбаясгаланг Бортээгийн ордтой холбоотой асуудлаар Эрүүгийн хуулийн тусгай ангийн 22.1.3, 22.10.2, 22.4.2 гэсэн заалтуудаар буруутган шалгаж, хилийн хориг тавьсан талаар мөн мэдэгдсэн юм.
Одоогийн улс төрийн хүрээнд МАН-ын хуваагдал энэ хэрээр томорч, ан цав улам гүнзгийрсээр байвал 2027 оны ерөнхийлөгчийн сонгуульд шаансгүй гэсэн дүр зураг үүсчихсэн. Гэтэл ийм үед Ерөнхийлөгчийн санаачилсан УИХ-ын гишүүнийг эгүүлэн татах хууль У.Хүрэлсүхийн имижид тодорхой жин дарна гэдэг утгаараа зүтгүүлж буй ч Л.Оюун-Эрдэнэ, Д.Амарбаясгалан нар хүчтэй эсэргүүцсээр ирэв. Ингээд харвал жилийн өмнө буюу 2025 оны 4-р сард зургаан жилийн бүрэн эрх нь дууссан ч Ерөнхийлөгчийн хүсэлтээр улирсан Улсын ерөнхий прокурор Б.Жаргалсайхан сая нэг “амь орж” буй бололтой. Хэвлэлд гарч ирж мэдээлэл хийх нь битгий хэл шалгагдаж байгаа хэргийн талаар А гэж дуугардаггүй, хаалттай прокурорын байгууллага гэнэтхэн гарч ирээд тэднийг шалгаж байгаа процессийн талаар нэг бүрчлэн мэдээлэл хийв.
Магадгүй цаашид 30-ын талаас прокурор хэнийг, ямар асуудал, гомдлоор шалгах нь асуулт хэвээр үлдэж байна.
Т.ГЭРЭЛТ-ИРЭЭДҮЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Улс төр үнэхээр ширүүсч байна даа
Өөр хэнийг ч шалгахгүй ээ, та хэд өөрсдөө ухсан нүхэндээ унах гээд сандраад янз бүрийн юм бичүүлэхээ больчих, бүгд Данхыг хэний гар хөл болсныг мэднэ, өөрөө ч өндөрөөс унахаа мэдэж л бсан байлгүй... Эсрэгээрээ Та нарт ял өгч чадахгүй бол энэ Ард түмэн чинь шударга ёс нэхээд босоод ирнэ шүү... Ганц цүнхний асуудал дээр л юу болсныг санаарай... Тэвчээр алдарч байна
Ene bol zugeer neg shalgalt bish haragdaj bn
Хууль үнэхээр тэгш үйлчилж байна уу
Yg songuuliin umnu iim zuil ih boldog doo
Энэ чинь улс төрийн тэмцэл болж хувирчээ
Hen negniig darah zorilgotoi yum shig sanagdaj bn
Шалгалт бодит уу эсвэл захиалгатай юу
Хэн нь буруутайг үнэн зөв тогтоох хэрэгтэй
Prokuror genet idvehjih ni sonin l bn
Huuli bol bugded adil uilchleh yostoi shuu
Нам доторх тэмцэл хэтэрхий ил болжээ
Dotood zurchil ingej gardag yum bn
Zugeer neg tohiroo bish bh daa
Энэ бүхэн сонгуулийн өмнөх бэлтгэл үү
Прокурор угаасаа л шалгаад явж байсан биздээ, өнөөдөр гэнэт шалгаж эхлээгүй л байх.
Ерөнхий прокурор бол улс төрийн албан тушаалтан биш, гагцхүү хууль сахиулах статустай учир олны өмнө байнга гарч ирж олон юм чалчих албагүй!!!
Хуулийн байгууллага шалгадаг хууль журмаараа л шалгаж байгаа, үүнийг заавал улс төртэй холилдуулж харагдуулах, хүмүүст ийм ойлголтыг зориудаар өгөх гээд байдгаа болих хэрэгтэй дэн
Та хэд мөнгөөр юм бичүүлхээ больмоор юм булхай нь илчлэгдхээс айгаад
Daisogiinhan hovdiin buzar guilagchinguud
Ер нь бол УИХ гишүүд өөрсдөө хамгаалсан хуулих баталчихаад хуулийн байгууллагуудыг наад гишүүнээ ав гэж шаардах нь боломжгүй зүйл гэж бодож байна.