Монголбанк БНХАУ-ын Ардын банк хооронд анх 2011 онд гурван жилийн хугацаатай, 5 тэрбум юанийн дүн бүхий своп хэлцлийг байгуулсан байдаг. Энэхүү хэлцлийн дүнг 2012 онд дахин 5 тэрбум юаниар нэмэгдүүлж, 10 тэрбум юань болгосон. Улмаар 2014 онд дахин гурван жилээр сунгаж, дүнгийн хэмжээг 5 тэрбум юаниар нэмэгдүүлж, 15 тэрбум юаньд хүргэсэн юм.
Энэхүү 15 тэрбум юанийн своп хэлцлийн хугацаа 2020 оны долдугаар сард дуусч байгаа билээ. Өмнө нь 2017 онд Монгол Улс ОУВС-гийн Өргөтгөсөн санхүүжилтийн хөтөлбөрт хамрагдах үеэр своп хэлцлийн хугацааг гурван жилээр сунгасан.
Монголбанкнаас своп хэлцлийн хоёр тэрбум ам.доллартай тэнцэх эх үүсвэрийг нэг дор бүгдийг нь төлөх боломжгүй учраас хэлцлийн хугацааг дахин сунгах Ажлын хэсгийг тавдугаар сард байгуулсан.
Тэгвэл Монголбанк, Хятадын ардын банктай байгуулсан своп хэлцлийн хугацааг дахин гурван жилээр сунгахаар талууд тохиролцсон гэх мэдээлэл байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.