Жил бүрийн намар Сүхбаатар аймагт орших Ганга нуурын хөвөөнд буцах хунгийн сүрэг чуулдаг. Монголын нутаг дэвсгэр дээгүүр шувууны гурван их зам гардгийн нэг нь Сүхбаатар аймгийн Ганга нуур аж. Усны гэгдэх шувууд бөмбөрцгийн хойд талаас эхлэн сэрүүсэхээр хүйтэнд шахагдан хоол тэжээл, дулаан нутаг бараадан намрын турш аажмаар урагшилдаг.
Ингэж нүүдэллэхдээ хунгийн сүрэг ангайхаа хамт хоол хүнс, хүч тамираа нөөцөлж урт, хүнд аяллыг эхлүүлдэг байна. Үүнийг харах гэсэн жуулчид, иргэд жил бүрийн аравдугаар сард тус аймгийг зорьж, “Хунгийн чуулган” үзэж нүдээ баясгахыг зорьдог аж. Гэвч олны хөл, жуулчдын чимээгээр хун шувууд хоол тэжээлээ нөхөж, хүч тамираа хангалттай сэлбэж чадаагүйгээс үргэж, улмаар замдаа хорогддог аж. Иймд ховордож буй хун сүргээ хайрлаж, “Хунгийн чуулган”-ыг битгий үзээрэй.
О.ЭНЭРЭЛ
