Нийгмийн

Ядарсан ардын хандивын мөнгөөр өөрсдийгөө шагнасан ДАРГА НАР, ИЧИГ ИЧИГ

Монгол улсад коронавирусийн цар тахал дэлгэрсэн мөчөөс хойш бизнес эрхлэгч, олны танил эрхмүүд, хүүхэд хөгшдөөс эхлээд хүн бүр өөрсдийн чадах хэмжээгээр УОК-т хандив тусламжийг өгч байв. Үүнийгээ иргэн бүр өөрсдийн хийх ёстой, тэрчлэн үүрэг хариуцлага хэмээн ухамсарлаж сэтгэл зүрх, санхүүгээр дэмжсэндээ тэр.

Хандивласан мөнгөөр нь гадаадад гацсан нэг ч болов монгол иргэнийг эх оронд нь хөл гишгүүлж, санааширч хоцорсон үрсийг нь эцэг, эхтэй нь уулзуулж сэтгэлийг нь дэвтээх болов уу гэж найдсан.

Иргэд өнөөдрийг хүртэл хичнээн хэцүү байсан ч өгсөн мөнгөндөө гар чичирч, зовлон тоочсонгүй. Үнэндээ тэдний мөнгө илүүдсэндээ ийн хандив өргөөгүй гэдгийг санах нь чухал. Гэтэл өдөр бүрийн Эрүүл мэндийн яамны хурал болон УОК-ын хуралдаанаар хурган дарга нар нь томорцгоож, энгийн иргэдийг хооронд нь жийлцүүлж байв. Тэнд ч тийм иргэн тусгаарлалт голлоо, энд ч ийм иргэн асуудал гаргалаа гэхээс сайхан үгс даанч гарсангүй.

Эрүүл мэндийн, эмнэлгийн ажилтнуудад гомдоод байх зүйлгүй. Алтан гарт, ариун үйлст эмч нарын буянаар өнөөдөр бид коронавирусийн халдварыг торолгүй давлаа. Давсаар ч байх болно. Харамсалтай нь иргэдийн нулимс, хөлсөөрөө олсон хандивын мөнгө энд тэндхийн хурган дарга нарын халаас руу орох юм гэж хэн санах билээ.

Өнөөдөр задарсан баримтад өнгөрөгч тавдугаар сард Нийслэлийн Засаг даргаар ажиллаж байсан С.Амарсайхан хөл, хориог амжилттай зохион байгуулж, санаачлага гарган ажилласан гэх үндэслэлээр хандивын 21 сая төгрөгийг нэр бүхий 21 албан тушаалтныг шагнасан байх юм. Мөнгө авсан гэх эрхмүүдийн дотор өдгөө хотын даргын албыг хашиж буй Ж.Батбаясгалан, Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр нар багтжээ.

Та санаж байгаа бол тухайн хандив бүрдэхэд бяцхан багачууд, настан буурайнууд хүртэл гахайтай мөнгө, тэтгэврийн дансаа хоосолж байсан. Гэтэл тэдний эл мөнгө хурган дарга нарын ходоодыг цатгах хоолны мөнгө болохыг хэн нь ч таамаглаагүй биз ээ.

О.ЭНЭРЭЛ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

16 Сэтгэгдэл

  1. Бат- баясг####ан , Гантөмөр нар дээрхи мөнгөө буцааж хандивла. Зориул####т нь арай л биш юм шиг.

  2. ийм л ёс зүйтэй улсууд улс орныг удирдаж байхад энэ улс дампуурах нь аргагүй. Үүнийг хүлээн зөвшөөрсөн ард түмэн хөөрхийлтэй

  3. Сонгуулиа зѳв ѳгч чаддаггүй хүмүүс одоо яахав сонгосон хүмүүстээидүүлээд л бж байхаас

  4. Ard tumnii zowlongoor naadaad surtsan garuud iim bolchxooroo ichij zowox ene ter baixaa bolichixood ulaan tsagaandaa garna geech ni boldog yum shig baigaa yum

  5. Ийм мэдээнд итгээд сууж байдаг хүмүүсийг манай нутагт дээрээ шүдтэй үмбүү л гэдэг юм.хайран цаг хугацаа нерв бгаа даа.хүмүүс та нарын тархийг угааж м#### мэт хандаж бхад та нар тавьж өгсөн өвсийг нь идээд суух юм.ухаант хүн шиг байж мэдээнийхээ үнэн худлыг ялгаж сур.наадуул чинь 21 сая төгрөг хувааж идэхээргүй мөнгөтэй баячуул

  6. Манай МАН- ын хөгшин з####уу нөхдүүд угаасаа идэж уухын өвчин дон туссан, ичих булчирхай байхгүй, нүүрэндээ илэг наасан нөхөд болжээ

  7. Шагнуулна гээгүй байхад нь шагначихсаг юм бишүү, буцаагаад өгнө гэлүү, бөөнөөрөө ЖДҮ-днэ, бөөнөөрөө шагнуулна, ялсан намынхан гэж ийм л байх юм даа.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button