УЛС ТӨР

З.Энхболд: Хятад импортлогчдын даалгавраар УИХ хууль баталсан, түүний эзэн нь Сангийн сайд

Өнөөдөр ЕТГ-ын дарга З.Энхболд сэтгүүлчдэд мэдээлэл өглөө.

Тэрбээр:

УИХ туйлын хариуцлагагүй ажилласан. Ашигт малтмалын нөөц ашигласны татвар /АМНАТ/-ыг, дээр нь Сангийн сайд гэж тувтан худлаа ярьдаг нөхөр бий. Татварын ерөнхий газар өнөөдөр мэдээ авахад АМНАТ-ын төлбөр өнгөрсөн жилийнхээс давж биелэсэн байдалтай, 700 орчим тэрбум төгрөг орчихсон байгаа. 1.3 их наяд төгрөг гэдэг нь худал. Өнгөрсөн жил 700-д хүрээгүй. Сар болгон авдаг татвар төлөгдөөд үндсэндээ дуусаж байна. Манай УИХ-ын гишүүд ямар буруу юм хийснийг ҮХЦ засвар хийсэн гэхээр “Ашигт малтмалыг Хятадын нутаг руу гаргах юм бол татваргүй. Монголын нутагт ашиглах юм бол олборлогчид тавьдаг АМНАТ-ыг 5 хүртэл хувиар тавьчихсан байгаа юм” Тэгэхээр Монголын бүх үйлдвэр хаагдана гэсэн үг. Гуравдугаар сарын 26-нд энэ хууль гарснаас хойш нүүрс угаадаг, кокс хийдэг, төмөр хайлуулдаг жонш баяжуулдаг 100 орчим үйлдвэр хаалгаа барьсан, огт ажиллагаагүй.

Тэгэхээр Хятадын импортлогчдын даалгавраар УИХ хууль баталсан, түүний эзэн нь Сангийн сайд Ч.Хүрэлбаатар. Монголын нутагт ашигт малтмалыг ашигласан хүнд уг нь дэлхий даяараа уул уурхай олборлогчид тавигддаг төлбөрийг ашигладаг байгууллагуудад тавьснаараа 100 үйлдвэр хаалгаа барьсан. Уг нь МАН-ын нмөрийн хөтөлбөрт 21 аймагт 100 үйлдвэр байгуулах хөтөлбөртэй байсан бол юун барих 100 үйлдвэр байгуулах, сонгууль болох өдөр 100 үйлдвэр хаалга барих хууль гаргасан байна. Тэр буруу хуулийг ҮХЦ хүчингүй болгосон нь зөв. Одоо үүнийгээ орлуулах татвараа УИХ яаралтай батлах ёстой. Эсрэгээрээ байх ёстой. Ямар ч боловсруулалт хийхгүй улсын хилээр шууд гарч байгаа бол өндөр татвар. Монголын нутагт боловсруулалт хийж байгаа бол бага татвартай байх ёстой шүү дээ. Тэгэхээр Хятадын импортлогчдын лоббинд орж УИХ татвар тогтоосон нь буруу. Түүнийг засварласан ҮХЦ-ийн шийдвэр зөв” гэлээ.

Т.САНТ

Таг

Холбоотой мэдээ

9 Сэтгэгдэл

  1. йим хууль батлуулаад явдаг сангийн сайдтай бх гэж дээ??? арай дэндүү юмаа эх орноосоо уравсан хэрэг үүсгээч дээ.

  2. 5 хувь татвар төлж дийлэхгүй үйлдвэр ашигт малтмал боловсруулж тээвэрлэж зарах шаардлага бнуу. 5 хувь дийлэхээр болсон үедээ нүүрс төмрөөр оролдоо.

  3. Ягүнэн. Шударга З.Энхболд улаан нүүрийг нь улалзуулан хэлж чаднаа. 76 эргүү мал энэ хүнээс л үнэн үгнээс нь айна. Мөнгөний төлөө эх орноо байтугай эхнэр хүүхдээ худалдаж яваа эргүү малнуудаар бүрдсэн их хурлыг тарааж хятадруу мал маханд ачуулах хэрэгтэй.

  4. хэд хоногийн өмнө УИХ гишүүн Энхтүвшин Баасанхүүгийн хэлдгээр дайрч давшилаад зандраад настай хүний намбагүй загнаад байсан нөгөө баталчихсан хууль нь биелэлээ бодит байдлаар харуулж байх шиг төр бодлогоороо улсаа Хятаджуулах бодлого хэрэгжүүлэж байгаа бололтой шүү

  5. Ийм хууль батлуулдаг сангийн сайдтай байх нь харамсалтайгаас гадна,хятадын тагнуулын байгууллагад элсэгдэж эх орноосоо уравсан этгээд УИХ-д суусаар байгаа нь бүр ч их харамсал гэж гадуур ярих болж,ер нь юу л болоод байнадаа,үнэмшимээргүй л юм дуулдах болж,бурхан минь

  6. Уг нь ҮХЦ зөв шийджээ.АМ-ыг түүхийгээр экспортлоход бага,харин эцсийн бүтээгдэхүүн хийсэн ААН-д өндөр төлбөр буюу давхар татвар авдаг нь буруу юм.Энэ нь одоо нефтийн үйлдвэр ашиглалтанд орохоор бүр тод илрэнэ.Петро чайнаас АМНАТ- тай үнээр засаг худалдаж авахад өөрөө АМНАТ төлнө.Тэгээд шатахуун хийгээд шатахууны компаниудад худалдахад тэд бас АМНАТ төлнө.Ингээд эцсийн эцэст ард иргэд бүх төлбөр, татварыг өсөн нэмэгдсэн хувилбараар төлнө.Энэ бол манж арга.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close