"Covid 19 вирус илэрснийг нууж байгаа юм байна” гэх худал мэдээлэл тараасан иргэнийг 150,000 төгрөгөөр торгожээ
Олон нийтийн цахим сүлжээнд “COVID-19” буюу “Шинэ Коронавирус”-тай холбоотой баттай эх сурвалжгүй мэдээ, мэдээллийг санаатай болон санамсаргүй байдлаар тарааж, олон нийтэд буруу ойлголт төрүүлэх, өргөн хэрэглээний барааны хомсдол үүсгэх, хуурмаг үнийн өсөлтийг бий болгох зэрэг сөрөг нөхцөл байдлыг үүсгэж байгааг өмнө нь Тагнуулын ерөнхий газраас анхааруулж байсан удаатай.
Ийнхүү буруу ташаа мэдээлэл түгээсэн иргэдэд хуулийн дагуу хариуцлага тооцож байгаа билээ.
Тухайлбал, Баянзүрх дүүрэг дүүрэгт оршин суугч иргэн Г 2020 оны 02 дугаар сарны 13-ны өдөр өөрийн фэйсбүүк хаягаараа “Аймшигтай..........Манай хамаатан онцгой комисст ажилладаг. Вирус илэрснийг нууж байгаа юм бна.......” гэх худал мэдээлэл бэлтгэж, олон нийтийн сүлжээнд тараасан зөрчлийг шалгасан байна.
Тус зөрчилд Зөрчлийн тухай хуулийн 5.13 дугаар зүйл "Гамшиг, аюулт үзэгдэл, осол, аюул, гамшгийн эрсдэлийн талаар олон нийтийг төөрөгдүүлэх мэдээ, мэдээлэл түгээсэн, эсхүл эрх бүхий байгууллагаас тогтоосон хорио цээр, хөдөлгөөний хязгаарлалтын дэглэмийг зөрчсөн бол хүнийг нэг зуун тавин нэгжтэй тэнцэх хэмжээний төгрөгөөр, хуулийн этгээдийг нэг мянга таван зуун нэгжтэй тэнцэх хэмжээний төгрөгөөр торгоно" заалтыг үндэслэн 150 мянган төгрөгний торгуулийн арга хэмжээ авжээ.
Эх сурвалж: НМХГ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Arai bagaar torgoson y bishuu!
Baga baina nemeh heregtei
arai baga bnshtee olon niitiin setgel sanaag hymraaj tugs###sen hun shuu dee bi law ter shunu untaj chadaagui
taraasan bish hardah erheerei hardsan ym bishuu kk k