Өнөөдөр: НИТХ-ын Ээлжит бус VII хуралдаан болно

Өнөөдөр болох үйл явдал

• 09:00 цагт: АТГ-аас зохион байгуулж буй Ази, Номхон далайн бүсийн хөрөнгө буцаах байгууллагууд хоорондын сүлжээ (ARIN-AP)-ний Удирдах зөвлөлийн хурал болон 10 дугаар Бүгд хурал “Новотел” зочид буудалд эхэлнэ.
• 09:00 цагт: “Гадаад худалдааны статистик мэдээллийг боловсруулах талаар арга зүйн зөвлөгөө” сэдэвт сургалт, уулзалт Гаалийн ерөнхий газарт болно.
• 09:30 цагт: УИХ-ын Байнгын хороодын хуралдаан эхэлнэ.
• 10:00 цагт: УИХ-аар 2026 оны төсвийн төслийг хэлэлцэж буйтай холбогдуулан Төсвийн байнгын хорооноос “Соёл, спорт, аялал жуулчлал, залуучуудын салбарын 2026 оны төсвийн төсөл” сэдэвт хэлэлцүүлэг “Чингис хаан” үндэсний музейд зохион байгуулна.
• 11:40 цагт: СХД-ийн 2-р хороонд УСУГ-т бүрэн автоматжуулсан 180 худгийг хүлээлгэн өгөх ёслол болно.
• 13:00 цагт: Яармаг дахь "Хангарди" ордонд НИТХ-ын Ээлжит бус VII хуралдаантай.

-“Утга зохиолын 7 хоног” аян үргэлжилнэ.

- Байгаль орчны ахлах албан тушаалтны 28 дугаар уулзалт Гадаад харилцааны яамны “Зөвшилцөл” танхимд үргэлжилнэ.

-ЮНЕСКО-гийн ивээл дор Ази-Номхон далайн бүсийн СББӨ-ийн олон улсын сургалтын төв, ССАЖЗЯ, Соёлын өвийн үндэсний төв хамтран Үндэсний сургагч багш бэлтгэх чадавх бэхжүүлэх III шатны хөтөлбөрийг зохион байгуулж байна.

-“Сонсголгүй иргэдийн олон улсын долоо хоног”-ийг тэмдэглэн өнгөрүүлнэ.

-“Ардчилсан үндсэн хуульт засаглалаар бэхжүүлэх нь: Үндсэн эрхийг хамгаалахад хөндлөнгийн хараат бус төрийн хяналтын байгууллагуудын үүрэг, оролцоо” сэдэвт эрдэм шинжилгээний хурал МУИС-ийн Номын санд үргэлжилнэ.

“Намрын ногоон өдрүүд-Өрхийн үйлдвэрлэл-2025” үзэсгэлэн худалдаа Төв цэнгэлдэх хүрээлэнд болж байна.

-Монгол Улсад анх удаа зохион байгуулж буй “Techweek-2025” үргэлжилж байна.

-Увс аймгийн түүхт 100 жилийн ойд зориулсан Увс аймгаас төрөн гарсан уран бүтээлчдийн “Чандмань” нэгдлийн хамтарсан “Чинад Мана” үзэсгэлэн HUE Art Gallery-д гарч байна.

-“Чөлөөлөлт. Ард түмэнд энх тайван” гэрэл зургийн үзэсгэлэн Оросын соёл, шинжлэх ухааны төв /РЦНК/-д олны хүртээл болж байна.

-Монголын каллиграфийн урлагийн нэгдсэн холбооны намрын нээлтийн үзэсгэлэн Монголын уран зургийн галерей гарч байна.

-Монгол Улсад гэрэл зургийн алба үүсэж хөгжсөний 90 жилийн ойд зориулсан эмэгтэй гэрэл зурагчдын “Жим ба Жигүүр” гэрэл зургийн үзэсгэлэн Байгалийн түүхийн музейд үргэлжилж байна.

-Олон улсын дохионы хэлний өдөр тохиож байна.

Орон нутагт:

• Завхан: “Хавдаргүй монгол эмэгтэй” төслийн багийнхан Завханы говийн болон зүүн 10 суманд ажиллаж байна.

Хилийн чанадад:

• Японы Токио хотод мэргэжлийн сумогийн Аки башё үргэлжилж байна.
• Волейболын эрэгтэйчүүдийн ДАШТ Филиппиний Манила хотод үргэлжилж байна.
• Казахстаны Астана хотод өсвөрийн шатарчдын ДАШТ эхлэв.

Д.ЦЭГЦ

Энэ мэдээнд өгөх таны үнэлгээ

Хуваалцаарай Жиргээрэй