Нийслэлийн эрүүл мэндийн үндэсний төвөөс угаарын хийн хордлогын өнгөрсөн 14 хоногийн буюу энэ сарын 14-ноос 27-ны өдрийн тоон мэдээллийг танилцууллаа. Өнгөрсөн 14 хоногт угаарын хийн хордлогын улмаас 97 иргэн эмнэлгийн тусламж үйлчилгээ авч, 4 иргэн нас баржээ. Нас баралтыг шалтгаанаар нь авч үзвэл 4 иргэн гэртээ угаартаж нас барсан байж болзошгүй ажээ.
Нийт тохиолдлыг байршлаар нь авч үзвэл
- Сонгинохайрхан дүүрэгт 61
- Баянзүрх дүүрэгт 14
- Чингэлтэй дүүрэгт 10
- Сүхбаатар дүүрэгт 9
- Хан-Уул дүүрэгт 2
- Налайх дүүрэгт 2
- Дархан-Уул, Дундговь аймагт нийт 3 дуудлага мэдээлэл бүртгэгджээ.
Угаартсан иргэдийг биеийн байдлаар нь авч үзвэл биеийн байдал хүндэвтэр 32, дунд 36, хөнгөн 25, хүнд 3, нас барсан 4 иргэн байгаа аж. Иймд иргэдийг гэр бүлээ угаарын хийн хордлогоос сэргийлж хур тунадастай өдрүүдэд яндангаа авч, өрхөө бүтээхгүй байхыг зөвлөлөө.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.