УЛС ТӨР

Т.Ганболд: Маргаантай тойргуудад дахин санал хураалт явуул. Төсөв шаардагдахгүй

МАН-аас бусад намууд нэгдэн сонгууль будлиантай болсон талаар мэдээлэл хийж, Ерөнхийлөгчид шаардах бичиг өргөн барих талаараа мэдэгдэв. Тэд УИХ-ын 2020 оны ээлжит сонгуулийг шударга бус болсон гэж үзэж буй бөгөөд аравдугаар сард болох орон нутгийн сонгуулийг шударга явуулах үүднээс ийнхүү нэгдсэн гэв.

-ОРОН НУТГИЙН СОНГУУЛЬ Ч БУЛХАЙТАЙ БОЛОХ ВИЙ ГЭСЭН БОЛГООМЖЛОЛЫН ҮҮДНЭЭС НЭГДЭЖ БАЙНА-

АН-ын дэд дарга Туваан: “Найман зүйл заалттай өргөх бичгийг Ерөнхийлөгчид өргөн барина. 20202 оны УИХ-ын сонгууль луйвар булхайтай болсон. Удахгүй орон нутгийн сонгууль болно. Энэ сонгуульд ч луйвар булхайтай болох вий гэдэг үүднээс бид нэгдэж байгаа юм.

-ТУСГАЙ НУУЦЛАЛТАЙ САНАЛЫН ХУУДСАН ДЭЭР БИШ ЭНГИЙН КАНОНДДОГ ЦААСАН ДЭЭР САНАЛ ХУРААСАН-

МАХН-ын дарга Н.Энхбаяр: Ажлын хэсэг ажиллаад маш ноцтой зүйлүүдийг илрүүлсэн. Сонгуулийн саналын хуудас тусгай нууцлалтай байна гэж заасан байдаг. Нэг ёсондоо үнэт цаас. Өмнө нь тусгай нууцлалтай саналын хуудсаар санал өгдөг байсан. Гэтэл энэ удаагийн сонгуулиар канонддог энгийн цаасан дээр санал хураалт явуулсан. Мөн хаана ч байдаггүй хаяг дээр хүмүүсийг байгаа мэтээр санал өгүүлсэн. Байдаггүй хүмүүсийг санал өгсөн мэт болгосон байсан. Тиймээс бид нэгдэж Монгол Улсын Ерөнхийлөгчид хандаж шаардах бичиг барьж байна.

-СОНГУУЛИЙН ЛУЙВРЫГ ЗОХИОН БАЙГУУЛСАН СЕХ-НЫ УДИРДЛУУДЫГ ОГЦРУУЛАХ ТЭМЦЛИЙГ ЭХЛҮҮЛНЭ-

Ж.Батзандан: Сонгуулийн луйвар булхайг таслан зогсоох чиглэлд хамтран санал нэгдсэн. Сонгуулийн луйвар 2016 онд 60 тэрбумаар үргэлжилж байна. Булхайтай болсон нь маш тодорхой. Таслалаар бие даагчдыг луйвардсан. Сонгуулийн хар машин уг нь нэмж тоолох ёстой техник. Гэтэл УИХ-ын 10 тойрог дээр иргэдийн санал хасагдаж тоологдсон. ШИНЭ намын зарим гишүүдийнх хасагдаж тоологдсон тохиолдол гарсан. СЕХ-ны дарга удирдлагуудын нэн яаралтай огцруулах ёстой. Тэднийг огцруулах тэмцлийг ирэх долоо хоногт эхлүүлнэ.

-ХҮН ГАРААРАА ТИЙМ ЦЭВЭРХЭН БУДАХЫН АРГАГҮЙ САНАЛЫН ХУУДСУУД ГАРЧ ИРСЭН-

Т.Ганболд: Сонгуулийн дараа бие даагчид нэгдэж мэдээлэл хийнэ, тодорхой баримт фактууд дэлгэж, Ерөнхийлөгчид хүртэл гомдол гаргасан. Гэтэл ямар нэгэн арга хэмжээ авахгүй өнөөдрийг хүрлээ.Төсвийн хөрөнгөөр сонгууль хийж, ард түмний саналыг худалдаж авсан. Ялсан гээд байгаа нам ард иргэдийн 40 хувийн саналыг авсан. Харин үлдсэн 60 хувийн саналыг бид авсан. Ерөнхийлөгч дахин тоололт явуулахад хүн гараараа тийм цэвэрхэн будахын аргагүй саналын хуудсууд гарч ирсэн. Мөн багц, боодлоор нь хүчингүй болсон хуудсууд гээд тавьж байсан. Тэр бол хүчингүй болсон саналууд биш, МАН-ыг дугуйлаагүй саналууд. Тиймээс маргаантай тойргуудад дахин санал хураалт явуулах ёстой. Үүнд төсөв мөнгө гарахгүй.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

12 Сэтгэгдэл

  1. Сонгуулийн дараа өчнөөн зард#### чирэгдэл учруулж гараар өөрийнхөө тойргийг 100% тоолуулж д####аараа цэвэр тавиулчихаад одоо дахин сонгууль явуулна гэж шоудах юм.
    Намбарын хүү одоо цаг үеэ мэдрээд больчихвол яасан бэ?

  2. Монголд сонгууль үнэн шудрага явагдах ойлголт байхгүй болоод удаж байна. Одоо л засаж авахгүй бол сонгууль өгөх хүн олдохгүй болно.

  3. Сайхан гарууд нийлж аваад хууль, шүүхийн байгууллага шиг ярьж байх юмаа. Ингэж амныхаа зоргоор буудахад чангахан хариуцлага тогтоохгүй бол ч Монгол хүн Монгол хүнээ сүйд хийх энүүхэнд байх шиг. Муухай турхирч байгаа юм шүү энэ новшнууд…

  4. 1 хүснэгт бөглөх 2 хүснэгт бөглөх адил тул УИХ сонгуулийг хүчингүй болгуулж дахин сан#### хура####т явуулб#### үнэнд нийцнэ дээ.

  5. Ene medeelel ogood bgaa nohduud ymar ih zav zaitai humuus ve. Hiih ajilgui humuus ongj yvdag bhaa. Ta hed zaaval gishuun boloh yostoi yum uu. Ard tumen songuuli ogood humuus gishuun bolood garsan shd . Ichmeer yum

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button