УОК-оос хөдөө орон нутгийн 85 мянган иргэнийг 12-р сарын 01-нээс хотоос гаргахаар шийдвэрлэсэн. Ингэхдээ хүн тус бүрээс PCR шинжилгээ авахаар зохион байгуулалт хийсэн.
Тодруулбал өнөөдөр буюу арваннэгдүгээр сарын 29-нөөс эхлэн шинжилгээ авах үйл явц эхлэхээр товлосон юм. Ингэхдээ хүн бүрт цаг өгч байгаа учраас оочир дугаар үүсэхгүй хэмээн тооцоолж байсан ч бодит байдал тийм байсангүй.
Өнөө өглөөний байдлаар шинжилгээ өгөхөөр ирсэн иргэдийн оочир уртаас урт үүсээд байна. Хөл хорио, бэлэн байдлын зэрэг, коронавируст халдвараас сэргийлэхээр улс даяар зохион байгуулж буй ажил шууд алдагдаж буйг та бүхэн энэ зурагнаас харж байна.
