СОЁЛЫН ПОДКАСТ: Хогоо угааж хаядаг Япон соёл Монголд нутагших боломжтой

Eguur.mn сайттай хамтран Япон улсаас тус улсын соёлын талаар ярилцах СОЁЛЫН ПОДКАСТЫН анхны дугаар уншигч, сонсогч танд хүрч байна. Өндөр хөгжилтэй орны соёлын нууц юунд байдаг бол. Монгол Улсад тэдгээр нь хэрэгжих боломжтой юу?

Мэдээж, хэрэгжүүлэхийн тулд бид эдгээр соёлыг мэддэг байх хэрэгтэй. Маш энгийнээр, хямд өртгөөр, ухаалгаар хэрэгжүүлдэг соёлуудтай бид энэхүү подкастаар дамжуулан танилцах болно.  

Хамгийн эхний дугаарт бид Япон улс хог хаягдлаа хэрхэн ангилан хаядаг тухай ярилцана. Хог хаях систем нь хэрэгжүүлэхэд ямар ч хүндрэл, зардал, боловсронгуй техник хэрэггүй. Зөвхөн суралцахад л хангалттай аж. Манай улсын хувьд яг одоо бүх хог нэг дор гэсэн “уриатай”. Гадуур гурав ангилах хогийн савууд байршаад эхэлсэн ч иргэдэд сургалт, суртал ухуулга огт хийгээгүй тул хогийг хэрхэн, хаашаа, яаж хаях вэ гэдэг “таавар” шахуу байна.  

ПОДКАСТ ЛИНК:

ЯМАР ХОГИЙГ ХЭЗЭЭ ХАЯХ ВЭ 

Доор харагдаж байгаа хуанлийн дагуу хог хаягдлаа гарган хаяна. Энэ хуанлийг жил бүр шинэчлэх бөгөөд жилээс жил ирэх тусам боловсронгуй болж байгаа нь тэднийг ч мөн хог ангилан хаях технологио сайжруулж, суралцсаар байгааг илтгэнэ.  

ХОГ БҮР ӨӨРИЙН ГЭСЭН “ӨНГӨТЭЙ”  

Хуанли мэйл хаягаар болон хэвлэмэл байдлаар айлуудад тараагдахад хог бүр ямар өнгөтэйг мэдэж болно. Цагаан торонд юу хийх бол, харин ногоон болон шар торонд ямар хог хаягдлыг хийж байх ёстой вэ гэдэг тун ойлгомжтой байдлаар энд бичигдсэн байна.  

ИРГЭДЭЭС ЮУ ШАЛТГААЛАХ ВЭ - ТУН АМАРХАН  

Хог хаягдлаа ангилан хаяж хэвшихийн хамгийн чухал хэсэг нь иргэд. Тиймээс иргэд гэртээ хогоо цэвэрлэж, угааж, эмх цэгцтэйгээр хаяхаас энэ соёл эхэлдэг. Хүссэн бүхэн ганц хогийн сав руу орохгүй гэсэн үг. Тухайлбал, энд сүүний савыг зааврын дагуу задлан угааж, хатаагаад багцлан хаяна. 

Ингэснээр дахин боловсруулах үйлдвэр рүү шууд зөөвөрлөгдөж, хог биш бүтээгдэхүүн болох үйлдвэрлэлийн анхны алхам болох болно.  

Энэ мэдээнд өгөх таны үнэлгээ

Хуваалцаарай Жиргээрэй