Эрчим хүчний сайд Ц.Даваасүрэн Засгийн газрын хуралдаанаар хэлэлцсэн, шийдвэрлэсэн асуудлын талаар мэдээлэл хийлээ.
Өнөөдрийн Засгийн газрын хуралдаанаарТаван толгойн цахилгаан станцыг бэлэн буй ТЭЗҮ, усны болон нүүрс хангамж, дэд бүтцийн холболт, байгаль орчны судалгаануудыг үндэслэн байршлыг өөрчлөхгүйгээр төрийн өмчийн хөрөнгөөр барих шийдвэрийг Засгийн газрын өнөөдрийн хуралдаанаар шийдвэрлэсэн.
Энэ талаар тэрээр, “Таван толгойн цахилгаан станц барих асуудлыг 2018 онд Оюутолгой ХХК-тай гэрээ байгуулж байсан. Энэ хугацаанд хоёр талаас нэлээд хугацаанд хамтран ажилласан. Тодорхой санал гаргаж байсан бөгөөд станц 1.1 тэрбум ам.долларын өртөгтэй гэсэн саналыг ирүүлсэн. Дэлхийн зах зээлтэй харьцуулахад харьцангуй өндөр үнэ. Нэг мегаватт цахилгаан станц барих өртөг нэг сая евро байдаг юм. Тэгэхээр дэлхийн зах зээлээс өндөр үнэ байсны дээр ногдол ашгийг ухраах нөхцөл байдал үүсээд байсан. Тиймээс энэ саналыг Засгийн газар хүлээн авах боломжгүй байна гэж үзсэн. Засгийн газрын өнөөдрийн хуралдаанаар ойрын дөрвөн жилдээ багтааж, 450 мегаватт цахилгаан станцыг төр, Засгийн газар санхүүжүүлэн барихаар шийдвэрлэсэн. Санхүүжилтийг зээл болон янз бүрийн хэлбэрийг ашиглана” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зов шуу дээ энэ гадныхан ноогдол ашигийг явал монголд огохгуй бх вэ гээд хоронго оруултай хуурамчаар основ бичээд бгаа болхоос дээр нь багабанди мэтийн нохой зантай улсууд оюутолгойг дэмжээд бгаа шуу дээ бяцхан монгоор монголыг маань зарж ю
СОНГУУЛЬ ДӨХӨХӨӨР Л ПОПРООД 4 ЖИЛ БАРЬЯ ГЭВЭЛ БАРИХ Л БАЙСАН Ш ДЭЭ.