Улс төрийн мэдээ
ТББХ: ЗГ-ын өргөн мэдүүлсэн хуулиудыг хаврын чуулганаар хэлэлцэх асуудлын жагсаалтад нэмлээ
Төрийн байгуулалтын байнгын хороо хуралдаж эхэллээ.
Энэ хуралдаанаар Ерөнхий сайд Л.Оюун-Эрдэнэд итгэл үзүүлэх эсэх асуудлыг хэлэлцэнэ.
Тус тогтоолын төслийг хэлэлцэхээс өмнө тодорхой хуулийн төслүүдийг хаврын чуулганаар хэлэлцүүлэх эсэхийг шийдвэрлэн, санал хурааж байна.
Тодруулбал,
- Нийтийн албан тушаалтны хууль бус хөрөнгийг хураан авах, нөхөн төлүүлэх
- Төлбөрийн чадваргүйдлийн тухай хуулийн шинэчилсэн найруулга
- Шүүхийн шийдвэр гүйцэтгэх байгууллагын тогтолцооны тухай хууль зэрэг Засгийн газраас өргөн мэдүүлсэн таван хуулийг УИХ-ын чуулганаар хэлэлцүүлэхийг дэмжлээ. Төрийн байгуулалтын байнгын хорооны гишүүд бүгд дэмжиж, санал өгөв.
Үүний дараа Ерөнхий сайд Л.Оюун-Эрдэнэд итгэл үзүүлэх эсэхийг хэлэлцэх гэж байна.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.