Нийгмийн

​Т.Галсан, Г.Аким тэргүүтэй мэргэд Хятадын дарга Ши Жиньпинд захидал хүргүүлжээ

Тангадын Галсан (МУАУЗ), Готовын Аким (МУСГЗ) тэргүүтэй Монгол Улсын эрдэмтэн мэргэд Хятадын дарга Ши Жиньпинд захидал хүргүүлжээ. Захидлын эхийг хүргэвэл,

Бүгд Найрамдах Хятад Ард Улсын дарга эрхэмсэг ноён Ши Жиньпин таны мутар тур энэхүү ил захиаг бариулах учир аа:

Монгол Улсын уран зохиол,хэл-бичгийн өчүүхэн хэдэн хүмүүн бид бээр Хятад улс аваас эртний соёлт нэгэн гүрэн мөн хэмээн ихэд хүндлэхийн сацуу Хятадын засаг төр ард түмнийхээ олон угсаатны тус тусын соёл иргэншлийг ариглан хамгаалж,тэтгэн тэнхрүүлж ахуйн дотор монгол хэл,бичгийг ч мөн чингэж эрхэмлэдэг буйзаа хэмээн талархан санаж байдаг бөлгөө.

Тийн атал нэн таагүй нэгэн мэдээ занги саяхнаас чих дэлдэх боллоо. Энэ юун гэвээс,Хятад улсад Өөртөө засан тохиногч Өвөр Монгол орны зарим хот,суурины сургуульд монгол хүүхдийн хамаг хичээлийг монгол хэлээр заахыг болиулав гэх сураг гарч байна. Энэ үнэн ахул Эртний соёл иргэншилт орон улсад гарамгүй, нэн ч тоогүй хэрэг явдал буюу гэж мөхөс бид санаа гайхан эргэлзэж,сэтгэл баахан зовинож байна.

Олон угсаатан үндэстэн оршин сууж,өвөр өврийн соёл иргэншлээр Хятад Улсын нийт соёлыг бүтээн баяжуулж байдаг Танай оронд ийм базаахгүй журам ёсон газар аван тогтвоос: 

Нэгд, Өмнөд Монголын монгол хүүхэд эх хэлээрээ эрдэм ном сурах язгуур эрхээ алдаж хохирох,

Хоёрт, Танай орны хэл бичгийн соёлын нэгэн томоохон хэсэг-монгол хэл,монгол бичиг мөдхөн гарцаагүй устаж, Хятад улсын нийт соёлын хөмрөг санд нөхөж үл болох их гарз гарах,

Гуравт, Энэ нь Хүмүүн төрлөхтөний хэл-бичгийн соёл иргэншилд хохирол учруулж, Дэлхий Дахинаа Хятад Улсын нэр нүүрийг ч сэвтээх магад болъюу.

Ийн учирт, Хятад Улсын төрийн тэргүүн эрхэмсэг ноён Ши Жиньпин авгай Та бээр уршигт энэхүү хэрэг явдлыг мэргэн ухаандаа магадлан болгоож, даруй залруулж соёрхох ажааму?!

Таныг хүндэтгэн ёсолсон Монгол Улсын иргэн:

Т.Галсан(Монгол улсын ардын уран зохиолч)
Г.Аким (Монгол Улсын соёлын гавъяат зүтгэлтэн,Олон  улсын урлаг,соёлын академийн байнгын гишүүн, доктор,сэтгүүлч)
Н.Алтанцэцэг (Хэл бичгийн ухааны доктор)
С.Алтанцэцэг (Хэл бичгийн ухааны доктор)
Д.Ганболд (Хэл бичгийн ухааны доктор)
Ц.Жамбалгарав (Яруу найрагч)
Л.Жумдаан (Хэл бичгийн ухааны доктор)
Н.Золзаяа (Хүний эрхийн судлаач)
С.Оюун (Монгол Улсын төрийн шагналт,соёлын гавъяат зүтгэлтэн,яруу найрагч)
Н.Өлзийжаргал (Хуульч)
Л.Пүрэвдорж (МУ-сын соёлын гавъяат зүтгэлтэн, зохиолч)
Ч.Пүрэвдорж (Сурган хүмүүжүүлэх шинжлэх ухааны доктор,яруу найрагч)
Б. Элбэгзаяа ( “Хүмүүн бичиг” сонины эрхлэгч,судлаач багш, сэтгүүлч)

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
10 Сэтгэгдэл
Хуучин
Шинэ Шилдэг
Inline Feedbacks
View all comments
zochin
zochin
2020-09-13 18:36

Xyatad ulsyn dotood asuudal shuu dee Ta naraar zaaldax uu Ta naraar dutax uu Bolitsgoo ta nar

Зочин
Зочин
2020-09-15 09:18
Reply to  zochin

ergv p###a

Зочин
Зочин
2020-09-14 16:55
Reply to  zochin

Нэрсээ цагаан толгойн дара�##�лаар бичиж, анх санаачилсан, зохион байгуулсан хүнээ нуусан янзтай нь ажиглагдаж байна. Төлөв нуруутай мөртлөө д�##�д давхар санаатай жинтэй захиа бичсэн байна шүү.

Баасансүрэн
Баасансүрэн
2020-09-14 15:02
Reply to  zochin

Битгий тэнэгт. Эх түүхээ мэдэдгүй юмуу. Чи бээжинд очвол ангайгаад сууна,Хөх хотод очвол
хэл амаа ололцоод учираа олчихно гэдэгээ мэд.

Unshigch
Unshigch
2020-09-13 21:18

Ene bichsen amitan soliotoi yum shig bn esvel sogtuu yumu

Зочин
Зочин
2020-09-14 01:15
Reply to  Unshigch

Уншиж үзлээ. Бичгийн монгол хэлний сонгодог эрхэмсэг найруулгаар бичсэн, тулхтай нуруутай сайхан захиа илгээсэн байна шүү. Аргагүй зохиолчид, хэл бичгийн эрдэмдэд бичсэн нь мэдэгдэж байна. Бүрэн дэмжиж байна.

Зочин
Зочин
2020-09-14 07:28
Reply to  Зочин

Demjij baina

Зочин
Зочин
2020-09-14 10:03

Саваагүй нохой саранд хуцнаааахх

Иргэн
Иргэн
2020-09-14 14:10

Жинхэнэ Монгол хэлээрээ, их гүн утга, ёгт дохиотой бичижээ. Бүрэн дэмжиж бна

Баасансүрэн
Баасансүрэн
2020-09-14 15:08

Их бичгийн хүмүүсийн бичсэнийг уншихад ямар гүн утагатай ойлгомжтой товчхон саруулхан байдаг юм бэ.

Холбоотой мэдээ

Back to top button