УЛС ТӨР
БНХАУ-ын Гадаад харилцааны сайд Ван И-гийн айлчлал ЭХЭЛЛЭЭ
БНХАУ-ын Гадаад харилцааны сайд Ван И өнөөдөр /2020.09.15/ манай улсад айлчилна. Тэрбээр Монгол Улсын Гадаад харилцааны сайд Н.Энхтайваны урилгаар ОХУ-д ажиллаад буцах замдаа манай улсад ганц өдрийн хөтөлбөр бүхий айлчлал хийж буй.
Тэрээр 15:00 цагт Монголд газардсан байна.
Хоёр талын албаны хүмүүс БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И-г “Чингис Хаан” олон улсын нисэх онгоцны буудалд угтаж авчээ.
Ван И Гадаад харилцааны сайд Н.Энхтайвантай хэлэлцээр хийх юм. Мөн Монгол Улсын Ерөнхийлөгч Х.Баттулга, УИХ-ын дарга Г.Занданшатар, Ерөнхий сайд У.Хүрэлсүх нарт тус тус бараалхах асуудал яригдаж байна.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.