ДЭЛХИЙМэдээНИЙГЭМ

БАГЦ МЭДЭЭ: В.В.Путин, У.Хүрэлсүх нарын уулзалтаар хэлэлцсэн асуудлууд

Монгол Улсын Ерөнхийлөгч Ухнаагийн Хүрэлсүхийн ОХУ-ын Ерөнхийлөгч В.В.Путины урилгаар Москва хотноо хийж буй албан ёсны айлчлал үргэлжилж байна. Айлчлалын хүрээнд ОХУ, Монгол Улс хамтын ажиллагаагаа гүнзгийрүүлэх тодорхой чиглэл бүхий Тунхаг бичгийг баталлаа.

Эл тунхаг бичигт “харилцааны янз бүрийн салбарт хоёр талын харилцааг цаашид гүнзгийрүүлэх тодорхой удирдамжийг тодорхойлсон” хэмээн ОХУ-ын Ерөнхийлөгч Владимир Путин онцлов.

ОХУ-ын Ерөнхийлөгч В.Путин ОХУ, Монгол Улс хоёр талын хамтын ажиллагааг гүнзгийрүүлэх тодорхой удирдамж агуулсан Тунхаг бичиг баталснаа мэдэгдэв.

“Ноён, Монгол Улсын Ерөнхийлөгч Ухнаагийн Хүрэлсүх тантай хамтран манай хоёр орны улс төрийн хамтарсан тунхаг бичгийг ийнхүү баталлаа. ​​Энэ бол 2019 онд батлагдсан “Найрсаг харилцаа, иж бүрэн стратегийн түншлэлийн тухай гэрээ”-ний төсөл” хэмээн гэж Владимир Путин уулзалтын дараа хэлсэн байна.

Талууд эдийн засаг, худалдааны гээд хоёр орны харилцаа, хамтын ажиллагааны олон салбарыг хамарсан Засгийн газар хоорондын болон яам хоорондын олон баримт бичгийг боловсруулж, гарын үсэг зурах болно хэмээн ОХУ-ын төрийн тэргүүн нэмж хэлэв.

Хэлэлцээний дараа В.Путин Монгол Улсын Ерөнхийлөгч анхны гадаад айлчлалаа ОХУ-д хийж буй нь ОХУ-тай сайн хөршийн найрсаг харилцааг хөгжүүлэхэд ихээхэн ач холбогдол өгч байгааг илтгэлээ хэмээн В.Путин онцоллоо.

“Мэдээж бид ч мөн монгол найз нөхөдтэйгөө ойр дотно нөхөрлөх сонирхолтой байдаг” хэмээн ОХУ-ын төрийн тэргүүн улам бататгаад, Орос-Монголын харилцаа өнө удаан жилийн түүхтэй ба энэ 2021 онд хоёр улсын хооронд дипломат харилцаа тогтоосны 100 жилийн ой тохиож байгааг дурдав.

ОХУ Монголын тусгаар тогтнолыг хамгийн түрүүнд хүлээн зөвшөөрснөөс хойш хойш хоёр талын хамтын ажиллагаа бие биенээ хүндэтгэж, бие биенийхээ ашиг сонирхлыг харгалзан үзэх зарчмаар өргөжин бэхжиж, улам тэлсээр байгааг В.Путин мөн тодотгов.

“Орос, Монгол хоёр орны ард түмэн Халхын голын байлдаан болон Дэлхийн хоёрдугаар дайны он жилүүдэд бэхэжсэн ахан дүүсийн дайчин нөхөрлөлийн гэгээн сайхан дурсамжийг хадгалсаар байна” хэмээв.

ОЛОН УЛСЫН АСУУДЛААР УДИРДАГЧИД ИЖИЛ БАЙР СУУРЬТАЙ

Олон улсын өмнө тулгамдсан асуудлын талаарх хоёр орны байр суурь ижил төстэй байгааг ОХУ-ын Ерөнхийлөгч мөн тэмдэглэв.

“Бүс нутаг, олон улсын тулгамдсан асуудлын талаарх ОХУ, Монгол Улсын байр суурь давхцаж мөн ойролцоо байна. Манай хоёр орон НҮБ-ын талбарт үйл ажиллагаагаа нягт уялдуулж байна” хэмээн В.Путин хэлэв.

В.Путин цааш нь хэлэхдээ, монголын түншүүдийг Евразийн Эдийн Засгийн Холбоо /ЕАЭЗХ/-ны үйл явцтай холбох боломжийн талаар судалж байгаагаа дурдав. Тодруулбал, Монгол Улс, ЕАЭЗХ-ны хооронд чөлөөт худалдааны бүс байгуулах боломж бололцооны талаар судалж буй хамтарсан судалгааны хэсэг байгуулагдаад байгааг мөн сануулав.

ОХУ, Монгол Улс батлан хамгаалах, аюулгүй байдлын салбарт амжилттай хамтран ажиллаж, харилцаа холбоо бэхжиж, хамтарсан цэргийн сургуулилт тогтмол явагдаж байгааг онцлон тэмдэглэхийг хүсч байна” хэмээгээд, жил бүрийн Сэлэнгэд цэргийн хамтарсан сургуулилтын хүрээнд хууль бус зэвсэгт бүлэглэлийн эсрэг тэмцэх тактикийн арга барилыг хамтран боловсруулж байгааг мөн ОХУ-ын тэргүүн онцлов.

Харин Монгол Улсын Ерөнхийлөгч У.Хүрэлсүх айлчлалынхаа үеэр мөн ОХУ-ын Ерөнхий сайд, Холбооны Хурлын хоёр танхимын тэргүүн нартай уулзаж, ОХУ-ын Аюулгүйн зөвлөлтэй ч уулзалт хийхээр төлөвлөснийг В.Путин тэмдэглэв.

“Энэ бүхнийг харгалзан бид ноён Ерөнхийлөгч У.Хүрэлсүхийн айлчлал амжилттай, эргэлзээгүй үр дүнтэй болно гэдэгт итгэлтэй байгаагаа илэрхийлье. Яг одоогийн байдлаар бид хоёр талын харилцааны бараг бүх талаар ярилцлаа” хэмээн ОХУ-ын төрийн тэргүүн дүгнэв. Мөн анхны төрийн айлчлалаа ОХУ-д хийж буйд нь Монгол Улсын Ерөнхийлөгчид дахин талархал илэрхийлэв.

 ЭДИЙН ЗАСГИЙН ХАМТЫН АЖИЛЛАГААНЫ ТУХАЙД

Эдийн засаг дахь хамтын ажиллагааны талаар Ерөнхийлөгч В.Путин хэлэхдээ, Орос улс бол Монголын гадаад худалдааны томоохон түншүүдийн нэг гэдгийг дурсав. Түүний хэлснээр, коронавируст цар тахлын улмаас үүссэн хүндрэл бэрхшээлийг үл харгалзан эхний есөн сарын байдлаар хоёр орны худалдаа даруй 24 хувиар өссөн аж.

Худалдаа, эдийн засаг, шинжлэх ухаан техникийн хамтын ажиллагааны хоёр талын Засгийн газар хоорондын комисс үр дүнтэй ажиллаж байна хэмээн мөн В.Путин нэмж хэлэв.

Өнгөрсөн арваннэгдүгээр сард Улаанбаатар хотноо болсон ээлжит хуралдааны үеэр дэд бүтэц, уул уурхай, эрчим хүч, хөдөө аж ахуй, дижитал технологи зэрэг салбарт хамтран ажиллах шинэ тодорхой төлөвлөгөө гаргасныг ч Ерөнхийлөгч В.Путин дурдав.

Түүнчлэн, “Улаанбаатар төмөр зам бол хамгийн том, амжилттай хамтарсан бизнесийн төсөл юм. Сүүлийн арван жилийн хугацаанд төмөр замын салбар дахь хоёр талын ачаа эргэлт хоёр дахин нэмэгдэж, 15-30 сая тонн болсон” хэмээн В.Путин хэлэв.

Сүүлийн жилүүдэд төмөр замыг шинэчлэх, өргөтгөх, аж ахуйн нэгжийн санхүүгийн тогтвортой байдлыг бэхжүүлэх талаар их зүйл хийгдсэн талаар В.Путин нэмж тодотгов. Тодруулбал, тээврийн тарифыг цаг тухайд нь индексжүүлж, 90-ээд оны зээлийн өрийг барагдуулах төлөвлөгөөг боловсруулж, газартай холбоотой олон жил хүлээгдэж буй асуудлыг шийдвэрлэсэн гэлээ.

“Энэ бүх арга хэмжээ бол Монгол Улсаар дамжин өнгөрөх төмөр замын тээврийг улам сонирхолтой, ашигтай болгоно гэдэгт найдаж байна” хэмээн ОХУ-ын төрийн тэргүүн онцлон тэмдэглэлээ.

ОХУ Монгол Улсын хувьд эрчим хүчний нөөцийн найдвартай ханган нийлүүлэгч бөгөөд газрын тосны бүтээгдэхүүний хэрэгцээний 80 орчим хувийг хангадаг эрчим хүчний нөөцөөр найдвартай хангадаг гэлээ.

ОХУ, МОНГОЛ УЛСЫН САНГИЙН САЙД НАР ХОЁР ОРНЫ ХАМТЫН АЖИЛЛАГААНЫ ТАЛААР ЯРИЛЦЛАА

ОХУ, Монгол Улсын Сангийн сайд Антон Силуанов, Болдын Жавхлан нар Москва хотноо болсон хэлэлцээний үеэр хоёр улсын санхүүгийн салбарын хамтын ажиллагааны талаар ярилцаж, Орос-Монголын хамтарсан “Улаанбаатар төмөр зам” /УБТЗ/ компанид онцгой анхаарал хандуулав.

Талууд Монгол-Оросын санхүүгийн хамтын ажиллагааг хөгжүүлэх хэтийн төлөвийн талаар санал солилцож, “Улаанбаатар төмөр зам” хувь нийлүүлсэн нийгэмлэгийн үйл ажиллагаанд онцгой анхаарал хандуулсан” гэж цахим хуудаснаа нийтэлжээ.

Сайд нарын уулзалт арванхоёрдугаар сарын 15-нд Москва хотноо хүрэлцэн ирсэн Монгол Улсын Ерөнхийлөгч У.Хүрэлсүх тэргүүтэй төлөөлөгчдийн айлчлалын хүрээнд ОХУ-ын Ерөнхийлөгч Владимир Путинтэй уулзсан. Мөн энэ онд тохиож буй хоёр улсын хооронд дипломат харилцаа тогтоосны 100 жилийн ойн хүрээнд хоёр талын хамтын ажиллагааны тулгамдсан асуудлыг Сангийн сайд нар авч хэлэлцсэн байна.

Хоёрьдугаар зууны дундуур бүтээн байгуулсан төмөр зам бол ОХУ, Монгол Улс, БНХАУ-ыг холбосон гүүр бөгөөд Европ тивээс Ази тив хүртэлх төмөр замын замын ажлыг 1025 километрээр богиносгосон удаатай. 1949 онд хуучнаар Зөвлөлт-Монголын хамтарсан “Улаанбаатар төмөр зам” үйлдвэрийг дүрмийн сан нь тэгш хуваарилалттай байхаар үүсгэн байгуулж байсан түүхтэй.

Өнөөдөр Улаанбаатар төмөр замын урт 1815 км. 2018 онд Орос-Монголын хамтарсан “Улаанбаатар төмөр зам” компанийн ТУЗ-өөс тус компанийг 2030 он хүртэл шинэчлэх, хөгжүүлэх урт хугацааны хөтөлбөрийг баталсан билээ.

ОХУ, МОНГОЛ УЛС БАТЛАН ХАМГААЛАХ, АЮУЛГҮЙ БАЙДЛЫН САЛБАР ДАХЬ ХАМТЫН АЖИЛЛАГАА

ОХУ, Монгол Улс батлан хамгаалах, аюулгүй байдлын салбарт хамтын ажиллагаагаа улам гүнзгийрүүлэхээр төлөвлөж байна хэмээн хоёр улсын хооронд дипломат харилцаа тогтоосны 100 жилийн ойг тохиолдуулан баталсан хамтарсан Тунхаг бичиг бичигт дурджээ.

Талууд цэрэг, цэрэг-техникийн хамтын ажиллагааг иж бүрэн стратегийн түншлэлийн чухал хэсэг хэмээн үзээд, цэрэг-техникийн тусламж үзүүлэх тухай хоёр талын Засгийн газар хоорондын хэлэлцээрийг хэрэгжүүлэх замаар батлан ​​хамгаалах, аюулгүй байдлын салбарт хамтын ажиллагаагаа гүнзгийрүүлэх, түүнчлэн цэргийн төлөөлөгчдийг солилцох, цэрэг байлдааны хамтарсан сургуулилалт явуулах, мөн соёлын болон спорт, хүмүүнлэгийн үйл ажиллагаа зохион байгуулахаар төлөвлөж байна” хэмээн Кремлийн цахим хуудсанд нийтлэгдсэн баримт бичигт дурдсан байна.

Түүнчлэн Халх голын байлдаан, Аугаа эх орны дайн, Дэлхийн II дайны ялалт руу чиглэсэн хамтарсан арга хэмжээ зохион байгуулж, мөн тэдгээр үйл явдлыг судлах, дурсгалыг нь мөнхжүүлэх, бодит түүхийг гуйвуулах, нацизмыг алдаршуулахаас урьдчилан сэргийлэх арга хэмжээ авахыг талууд дэмжинэ гэж онцолжээ.

Хамтарсан тунхаг бичигт, талууд терроризм, экстремизм, салан тусгаарлах үзэл, үндэстэн дамнасан зохион байгуулалттай гэмт хэрэг, авлига хээл хахууль, зэр зэвсэг, мансууруулах эм, сэтгэцэд нөлөөт бодисын хууль бус наймаа, эдийн засаг, байгаль орчны гэмт хэрэг, түүнчлэн олон улсын мэдээллийн аюулгүй байдлын салбарт иж бүрэн хамтын ажиллагааг хөгжүүлэхэд ихээхэн ач холбогдол өгнө гэжээ.

“Энэ хүрээнд талууд хоёр улсын прокурор, шүүх, хил хамгаалах, хууль сахиулах байгууллага, тусгай албад хоорондын хамтын ажиллагааг бэхжүүлэхэд дэмжлэг үзүүлэн хамтран ажиллана” хэмээн тунхаг бичигт мөн дурджээ.

ОЛОН УЛСЫН БАЙГУУЛЛАГУУДЫН ХҮРЭЭНД ХИЙХ ХАМТЫН АЖИЛЛАГАА

Монгол Улсын Ерөнхийлөгч У.Хүрэлсүх, ОХУ-ын Ерөнхийлөгч В.Путин нар 2021.12.16-нд Москва хотноо хэлэлцээ хийж, Монгол Улс, ОХУ-ын хооронд дипломат харилцаа тогтоосны 100 жилийн ой энэ онд тохиож байгаатай холбогдуулан хамтарсан Тунхаг бичгийг баталлаа.

Тунхаг бичиг дурдсан зарим зүйлийг дурдвал:

ОХУ, Монгол Улсын төрийн тэргүүнүүд дээр дурдсан олон асуудал хэлэлцсэнээс гадна олон улсын байгууллагуудын талаар мөн хэлэлцсэн байна. Энэ хүрээнд хамтын ажиллагаагаа бэхжүүлэхээр тохиролцоонд хүрэв.

“НҮБ, “Ази-Европ”-ын дээд хэмжээний чуулга уулзалт, Ази тивд хамтын ажиллагаа, итгэлцлийг бэхжүүлэх бага хурал, Зүүн өмнөд Азийн орнуудын холбооны бүс нутгийн аюулгүй байдлын чуулга уулзалт, Шанхайн Хамтын Ажиллагааны Байгууллага /ШХАБ/ гэх зэрэг олон улсын байгууллага, механизмын хүрээнд хоёр талын хамтын ажиллагааг улам бэхжүүлэхээр талууд тохиролцлоо” хэмээн  баримт бичигт дурджээ.

Түүнчлэн хоёр орны төрийн тэргүүнүүдийн дэлхийн болон бүс нутгийн олон асуудалд хандах хандлага ижил төстэй байр суурьтай байгааг ч онцолжээ. Олон улсын байгууллага, бүс нутгийн тавцан дахь хоёр талын бодлогын талаар өнөөгийн уялдаа холбоонд сэтгэл хангалуун байгаагаа талууд илэрхийлсэн байна.

Хамтарсан Тунхаг бичиг бичигт, талууд гадаад бодлогын уялдаа холбоогоо бэхжүүлэх, харилцан сонирхсон олон улсын болон бүс нутгийн асуудлаар санал солилцох хоёр талын зөвлөлдөх уулзалтыг үргэлжлүүлнэ гэжээ.

Төрийн тэргүүнүүд мөн ОХУ, Монгол Улс олон улсын тавцанд болон бүс нутгийн үйл хэрэгт нөгөө талын тусгаар тогтнол, бүрэн эрхт байдал, аюулгүй байдал, нийгмийн дэг журамд хор хохирол учруулах алхам хийхгүй гэдгээ нотолсон үйл явдал болов.

Түүнчлэн, Монголын тал Евразийн томоохон түншлэл байгуулах санаачилгыг дэмжиж байгаагаа мөн илэрхийлсэн юм.

“Талууд ШХАБ-ын үйл ажиллагаанд Монгол Улсын оролцоог өргөжүүлэх, ялангуяа эрчим хүч, дэд бүтэц, хөдөө аж ахуй, мэдээлэл, хүмүүнлэгийн салбарт одоо байгаа хамтын ажиллагааны механизмд нэгдэн орох замаар өргөжүүлэх сонирхолтой байгаагаа илэрхийлсэн гэж тунхаг бичигт мөн дурджээ.  

Үүний зэрэгцээ, Евразийн Эдийн Засгийн Холбоо /ЕАЭЗХ/, Монгол Улсын хооронд чөлөөт худалдааны хэлэлцээр байгуулах боломжийн талаар судлах хамтарсан ажлын хэсгийн ажилд сэтгэл хангалуун байгаа бөгөөд энэхүү хамтын ажиллагааг хөгжүүлэхийг дэмжиж байгаагаа илэрхийлсэн байна.

Ерөнхийлөгч У.Хүрэлсүхийн айлчлал үргэлжилж байна.

(Эх сурвалж: Tass)

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
7 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2021-12-17 08:09

Оросууд юу амласан байна

Зочин
Зочин
2021-12-17 08:10
Reply to  Зочин

Мэдэхгүй

Зочин
Зочин
2021-12-17 08:10

Путинитэй уулзаж чадлаа даа

Гражданин.
Гражданин.
2021-12-17 10:40

Зүгээр л Мне зовут Хур####сух . Я новиы презедент Монголий. гээд л ирждээ..

Зочин
Зочин
2021-12-17 12:55

2 ##########а цээж нүцгэн зургаа даруулаач 1 нь булчин нөгөө нь гүзээ

Зочин
Зочин
2021-12-17 14:25

Жинхэнэ Монгол Улсын Ерөнхийлөгч байх ёстой. Хоёр ерөнхийлөгчийг гүнээ хүндэтгэж байна.

Цэцэг
Цэцэг
2021-12-18 16:11

Огцор муу з####ьт луйвахчин попчин /би чадна/ гэсэн өчүүхэн арчаагүй өөдгүй ####уурчин чадваргүй амиа бодсон бялангач хүрэлсүх

Холбоотой мэдээ

Back to top button
7
0
Would love your thoughts, please comment.x
()
x