Нийгмийн

Польш Улсын архив дахь Монгол Улсын 1915 оны хүн амын тооллогын баримтыг эх хувиар авах санал тавилаа

Хууль зүй, дотоод хэргийн сайд Х.Нямбаатар Бүгд Найрамдах Польш Улсын Гадаад харилцааны сайд Збигнев Раутай уулзлаа.

Уулзалтын үеэр Хууль зүй, дотоод хэргийн сайд Х.Нямбаатар хоёр улсын түүх соёлтой холбогдох асуудлаар архивын салбарт шинэ харилцаа холбоог эхлүүлэх, хамтын ажиллагааг өргөжүүлэн хөгжүүлэх, Бүгд Найрамдах Польш Улсын шинжлэх ухааны архивт хадгалагдаж байгаа Богд Хаант Монгол Улсын 1915 оны хүн амын тооллогын баримтыг эх хувиар нь авах саналыг тавилаа.

Бүгд Найрамдах Польш Улсын Гадаад харилцааны сайд Збигнев Рау саналыг нааштай хүлээн авч 2022 оны есдүгээр сард Бүгд Найрамдах Польш Улсын Ерөнхийлөгч Монгол Улсад хийх айлчлалын үеэр судалж шийдвэрлэхээ илэрхийлэв.

Цаашид хоёр улсын архивын салбарын хамтын ажиллагааны санамж бичиг байгуулж, Бүгд Найрамдах Польш Улсын төрийн архивуудад хадгалагдаж байгаа Монгол Улсын түүх, соёлтой холбоотой баримт бичгийг судлах, сурвалжлах, хуулбарыг солилцох, хамтарсан ном эмхэтгэл бэлтгэх зэрэг ажлыг хамтарч хэрэгжүүлнэ.

Эх сурвалж: ХЗДХЯ

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button